તમારા કામનું / આધાર ધારકો સાવધાન, ક્યાંક તમારા આધાર કાર્ડનો ખોટી રીતે ઉપયોગ ન થઈ જાય, બચવા કરી લો આ કામ

• આધાર ખૂબ જ મહત્વપૂર્ણ દસ્તાવેજ છે
• ઘણાં કામોમાં આધારની જરૂર પડે છે
• તમારા આધારને સુરક્ષિત રાખવા કરો આ કામ

પર્સનલ આઈડેન્ટિફિકેશન માટે આધાર ખૂબ જ જરૂરી છે. તેના ઓનલાઈન પોર્ટલ uidai.gov.in પર તેનાથી જોડાયેલા ઘણાં કામ કરી શકાય છે. તમારા આધારનો ખોટો ઉપયોગ થતાં રોકવા માટે એક ઓનલાઈન સર્વિસ યુઝર્સને બાયોમેટ્રિક ડિટેલ્સ લોક અથવા અનલોક કરવાની સુવિધા મળે છે. તમે પણ બાયોમેટ્રિક લોક કરી શકો છો. UIDAI તેને લોક અનલોક કરવાની સુવિધા આપે છે. આધારને સુરક્ષિત રાખવા અને ખોટા ઉપયોગથી બચાવવાની આ સૌથી સારી રીત છે. ચાલો જાણીએ. 

બાયોમેટ્રિક લોકના ફાયદા

આધારમાં બાયમેટ્રિક લોકનો મતલબ  તમારી ફિંગરપ્રિન્ટ અને આંખથી ડેટાને લોક કરવું. એકવાર બાયમેટ્રિક લોક થઈ જાય, પછી આધાર હોલ્ડર અથવા અન્ય કોઈ વ્યક્તિ તેનો ઉપયોગ ઓથેન્ટિકેશન વિના કરી શકશે નહીં. આધાર ધારકો જ્યારે જરૂર પડે ત્યારે તેને અનલોક કરી શકે છે. આ સેવાનો લાભ મેળવવા માટે, રજિસ્ટર્ડ મોબાઇલ નંબર હોવો જરૂરી છે.

ઘેર બેઠા આ રીતે કરો બાયોમેટ્રિક લોક

• સૌથી પહેલાં  આધારની વેબસાઈટ https://uidai.gov.in/ પર જાઓ
• હવે હોમ પેજ પર થોડું નીચે સ્ક્રોલ કરો. અહીં Aadhaar Services સેક્શન મળશે. તેમાં Lock/Unlock Biometrics ઓપ્શનને ક્લિક કરો.
• હવે અહીં તમારે તમારો 12 અંકનો આધાર નંબર નાખવો પડશે. જો તમે ઇચ્છો તો તમે વર્ચ્યુઅલ આઈડી નંબરનો વિકલ્પ પણ પસંદ કરી શકો છો.
• પછી વેરિફિકેશન માટે કેપ્ચા નાખો અને સેન્ડ ઓટીપી પર ક્લિક કરો
• ત્યાર બાદ તમને નવા પોપ અપમાં રજીસ્ટર્ડ મોબાઈલ નંબર પર મળેલો ઓટીપી નાખવાનો રહેશે. ત્યર બાદ Submit પર ક્લિક કરો. તમોરું આધાર બાયોમેટ્રિક લોક થઈ જશે.

બાયોમેટ્રિક્સને કરો અનલોક

પોતાના બાયોમેટ્રિક્સને અનલોક કરવા માટે લોક વાળી જ પ્રક્રિયાને ફરી કરવાની રહેશે. આ પછી 'અનલોક બાયમેટ્રિક' પર ક્લિક કરો. આ ફીચર પર ક્લિક કરીને, તમારી બાયોમેટ્રિક્સ થોડી મિનિટો માટે અનલોક થઈ જશે અને તે સમયગાળાના અંતે ફરીથી લોક થઈ જશે. તમે અનલોક સમયગાળા દરમિયાન તમારા આધાર નંબરને પ્રમાણિત કરવા માટે તમારી ફિંગરપ્રિન્ટ / આંખો જેવા બાયોમેટ્રિક્સનો ઉપયોગ કરી શકો છો અને જો તમે તમારી બાયોમેટ્રિક્સને કાયમી ધોરણે અનલોક કરવા માંગતા હો તો પછી ડિસેબલ લોકિંગ ફીચર પર ક્લિક કરો.