નવી દિલ્હી / ઠંડી ઓછી થઈ ગઈ છે એવું માનતા નહીં, આ તારીખથી ચમકારો વધશે

• સ્કાયમેટની આગાહી
• દિલ્હી- NCR સહિત ઉત્તર પશ્ચિમી વિસ્તારોમાં વધશે ઠંડી
• ડિસેમ્બરની સરખામણીએ જાન્યુઆરીમાં વધશે ઠંડી

દેશની રાજધાની દિલ્હીએ 119 વર્ષનો રેકોર્ડ તોડ્યો છે છતાં ઠંડી ઓછી થતી નથી. જાન્યુઆરીમાં સિઝનમાં ઠંડીનો ચમકારો વધી શકે છે. સિઝન પણ ખરાબ થઈ શકે છે. સ્કાયમેટની આગાહી અનુસાર 6 જાન્યુઆરીથી ઉત્તરભારતમાં વરસાદ અને હિમવર્ષાની આગાહી આપવામાં આવી છે. આ સાથે જ રવિવાર સુધીના એક નાના બ્રેક બાદ પશ્ચિમી વિક્ષોભ સક્રિય બનશે. આ કારણે 6થી 8 જાન્યુઆરી સુધી વરસાદ અને હિમવર્ષાની શક્યતા છે. 

સ્કાયમેટ (Skymet)ના અનુસાર બેક ટુ બેક પશ્ચિમી વિક્ષોભથી દિલ્હી- NCR સહિત ઉત્તર પશ્ચિમી મેદાની વિસ્તારોમાં હવામાનની અસર જોવા મળી રહી છે. ડિસેમ્બરની સરખામણીએ જાન્યુઆરીમાં ઠંડી વધી શકે છે. આ સાથે જ જાન્યુઆરીમાં રાતના તાપમાન સિવાય દિવસનું તાપમાન પણ ડિસેમ્બરની સરખામણીએ ઓછું થઈ શકે છે. 

શુક્રવારે સવારે દિલ્હી સહિત ઉત્તર ભારતના અનેક ભાગોમાં આકાશ ધુમ્મસથી છવાયેલું રહેશે. આ કારણે વિઝિબિલિટી પર પણ અસર જોવા મળી શકે છે. 

India Meteorological Department: Dense to very dense Fog (at 5.30 am today) observed in isolated pockets over Punjab. Moderate fog in isolated pockets over Chandigarh,Delhi, Rajasthan,East Uttar Pradesh,East Madhya Pradesh and Tripura. pic.twitter.com/tXS3YpsPGc

— ANI (@ANI) January 3, 2020

19 ટ્રેન ચાલી રહી છે મોડી 

મળતી માહિતી અનુસાર ધુમ્મસ અને લો વિઝિબિલિટીના કારણે દિલ્હીથી જનારી 19 ટ્રેન પોતાના સમય કરતાં મોડી ચાલી રહી છે. 

19 trains running late due to low visibility in the Northern Railway region.

— ANI (@ANI) January 3, 2020

શુક્રવારે સવારે AQIની સ્થિતિ ગંભીર નોંધાઈ

દિલ્હી પ્રદૂષણ નિયંત્રણ સમિતિના અનુસાર શુક્રવાર સવારે પાંચ વાગે દિલ્હીના લોધી રોડ વિસ્તારમાં એર ક્વોલિટી ઈન્ડેક્સની સ્થિતિ ગંભીર જોવા મળી હતી. અહીં PM 2.5 302 જ્યારે PM 10 283 નોંધાયો છે. 

Delhi: Major pollutants PM 2.5 at 302 in 'very poor' category & PM 10 at 283 in 'poor category' in Lodhi Road area, according to the Air Quality Index (AQI) data. pic.twitter.com/XTPOnqR5Ma

— ANI (@ANI) January 3, 2020

ઠંડીથી વીજળીની માંગમાં 40 ટકાનો થયો વધારો

દિલ્હીમાં હાડ થીજવતી ઠંડીના કારણે લાઈટની માંગ વધી છે. વર્ષના પહેલા દિવસે જ્યારે દિલ્હીમાં ન્યૂનતમ તાપમાન 2.4 ડિગ્રી નોંધાયું ત્યારે વીજળી ની માંગ 5343 મેગાવોટના ઉચ્ચ સ્તરે પહોંચી હતી. સ્ટેટ લોડ ડિસ્પેચ સેન્ટરના અનુસાર 1 જાન્યુઆરીની સવારે 11 વાગે 11 મિનિટ પર વીજળીની માંગ 5343 મેગાવોટ સુધી પહોંચી હતી. વીજળીની માંગમાં વૃદ્ધિની પાછળનું મુખ્ય કારણ હિટીંદ લોડ હતું અને તેના કારણે વીજળીની માંગમાં 40 ટકાથી વધારે વધારો થયો હતો.