સાવધાન / રાજસ્થાન ફરવા જતા હો તો ચેતજો,નહીતર અટવાઈ પડો તો કહેતા નહીં

• ગુજરાત-રાજસ્થાન વચ્ચે અટવાયા સહેલાણી
• વરસાદથી બિસ્માર રસ્તાઓ કરાયા બંધ 
• વાહન-વયવહાર અટકી જતા પ્રવાસીઓ ફસાયા 

કોરોનાનો કહર હળવો થતા જ હવે ગુજરાતીઓએ માઉન્ટ આબુ તરફ દોટ મૂકી છે,શનિ રવિના દિવસોમાં આબુ-અંબાજીના પ્લાનીગથી નીકળેલા લોકો અધવચ્ચે અટવાઈ જતા કેટલાય પરિવારોના શ્વાસ અદ્ધર ચઢી ગયા છે.હકીકતે બનાસકાંઠાથી માઉન્ટ આબુ તરફ જતો રસ્તો ભારે વરસાદના કારણે બેસી જતા રસ્તો બંધ કરી દેવા ફરજ પડી છે.પરિણામે, આબુ તરફથી આવતા-અને જતા લોકો અધવચ્ચે અટવાઈ ગયા છે. 

વીક એન્ડમાં ધસારો  

રાજ્યમાં કોરોના હળવો થતા જ પ્રવાસીંઓ શનિ-રવિ વીક એન્ડ માણવા લોંગ ડ્રાઈવ માટે નીકળે છે. તો અત્યારે ગુજરાતમાં વરસાદી વાતાવરણ છે તો માઉન્ટ આબુમાં કેવી ઠંડક હશે ? તેવું વિચારી સહેલાણીઓ આબુ તરફ નીકળી પડ્યા છે.પરંતુ આજે બનાસકાંઠા -આબુ તરફનો રસ્તો બંધ થઇ જતા ગુજરાતથી જતા અને રાજસ્થાન તરફથી આવતા પ્રવાસીઓ અટકી પડ્યા છે.છેલ્લા ત્રણ ચાર દિવસથી બનાસ કાંઠામાં વરસાદનું જોર છે પરિણામે,રસ્તો બિસ્માર તો હતો જ ,હવે આ સડક બિલકુલ બેસી ગઈ હોવાના કારણે સ્થાનિક વહીવટી તંત્રએ રસ્તો બંધ કરી દીધો છે.પરિણામે વાહન વ્યવહાર  અટકી ગયો છે. 

તમે ધ્યાન રાખજો 

આગામી દિવસોમાં તમે પણ રાજસ્થાન તરફ ફરવા જવાનું પ્લાનીગ કરતા હો તો જરા ચેક કરી લેજો કે વાહન વ્યવહાર ચાલુ છે કે કેમ ? અન્યથા તમે પણ અટવાઈ પડશો અને પરત ફરવું પડશે.