બિઝનેસના સંબંધમાં તેમની સાથે મિત્રતા કેળવી હતી. થોડા દિવસ બાદ આ બન્ને ઠગોએ ફરિયાદીને એક મોબાઈલ ભેટ આપ્યો હતો.
દમણથી બે શખ્સોની ધરપકડ
બીટકોઈનના નામે કરતા હતા છેતરપિંડી
16 લાખથી વધુની કરી હતી છેતરપિંડી
ગુજરાતના પડોશમાં આવેલા સંઘપ્રદેશ દમણની પોલીસે બે ઠગબાજોની ધરપકડ કરી છે. જે ઇન્ટરનેટ અને વિવિધ સોફ્ટવેરનો ઉપયોગ કરતા હતા. ભોગ બનનારના ખાતામાંથી બારોબાર પૈસા ટ્રાન્સફર કરી અને તેના bitcoin ખરીદી લેતા હતા. જે બાદ અન્ય કોઈ વ્યક્તિના એકાઉન્ટનો ઉપયોગ કરી બીટકોઈન કેસ કરવામાં આવતા હતા. આમ અત્યાર સુધી અનેક ગુનાઓને અંજામ આપનાર મુંબઈના બે સાયબર ઠગોને દમણ પોલીસે ઝડપી સળિયા પાછળ ધકેલી દીધા છે.
આરોપીઓ પોતે સાયબર ગુનાઓના માસ્ટર માઈન્ડ છે. પોતાની આવડતનો ઉપયોગ શોર્ટકટમાં પૈસા કમાવવા માટે ગેરકાયદેસર કામોમાં વાપરતા હતાં. થોડા દિવસ અગાઉ દમણ પોલીસ સ્ટેશનમાં એક વ્યક્તિએ પોતાના ખાતામાંથી તેની જાણ બહાર 16 લાખથી વધુની રકમ કોઈએ ટ્રાન્સફર કરી હોવાની ફરિયાદ દાખલ કરી હતી. આથી દમણ પોલીસે લાખો રૂપિયાના આ ઠગાઈની ફરિયાદને ગંભીરતાથી લઈ તપાસ હાથ ધરી. દમણ પોલીસે વિવિધ ટીમો બનાવી અને આ સાયબર ઠગાઇનો ગુન્હો ડીટેકટ કરવા માટે સાયબર એક્સપર્ટની પણ મદદ લીધી. આખરે દમણ પોલીસની મહેનત રંગ લાવી. અને દમણ પોલીસે મુંબઈમાં રહેતા બે આરોપીઓની ધરપકડ કરી છે.
દમણ પોલીસના હાથે લાગેલા આ 2 સાયબર ઠગોમાં શાહિલ મંગળદાસ મોરજરિયા અને કિશન નાગરદાસ બોકાણી તરીકે ઓળખ થઈ છે. આ બંને આરોપીઓ ઇન્ટરનેટ અને વિવિધ સ્પાય સોફ્ટવેરના માસ્ટર માઈન્ડ છે. દમણમાં AJ71 ઇવેન્ટસ્ નામની ઇવેન્ટ મેનેજમેન્ટની ફર્મ ધરાવતા ફરિયાદીને થોડા દિવસ અગાઉ આ બંને ઠગો ગ્રાહક તરીકે મળ્યા હતા. અને ઇટલીમાં એક ઇવેન્ટ કરવાનો હોવાનું બહાનું બતાવી અને તેમની સાથે મિત્રતા કેળવી હતી. થોડા દિવસ બાદ આ બન્ને ઠગોએ ફરિયાદીને એક મોબાઇલ ભેટ આપ્યો હતો. આ મોબાઈલ ભેટ આપ્યા બાદ ફરિયાદી મોબાઈલનો ઉપયોગ કરતાં તેને બેંકમાં કરેલા અન્ય ટ્રાન્ઝેક્શનનો અને બેન્કના તમામ વિગતો છૂપા સોફ્ટવેરથી મેળવી લીધી હતી.