#BoycottChina / બોયકોટ ચાઈનાની વચ્ચે આ ચીની કંપનીની ‘સ્માર્ટ ગેમ’, ભારતમાં કરશે 7500 કરોડનું રોકાણ

• વિવો ઈન્ડિયાએ કરી 7500 કરોડના રોકાણની જાહેરાત
• સ્માર્ટ ફોન કંપનીઓનું ભારતમાં વધી રહ્યું છે વર્ચસ્વ
• કંપની પોતાના કારખાનાનો વિસ્તાર વધારવા કરશે ખર્ચ

કંપની આ કારખાનાની ક્ષમતા વધારીને વર્ષના 12 કરોડ ફોનનું ઉત્પાદન, દેશમાં એક ડિઝાઈન સેન્ટરની સ્થાપના અને આવનારા એક વર્ષમાં લોકલ સોર્સથી માલ 15થી 40 કરોડ લેવાની યોજના બનાવી છે.

ઝડપથી વધી રહ્યો છે ધંધો

ઉલ્લેખનીય છે કે વિવો બ્રાન્ડ અને વિવો ઈન્ડિયા કંપની ચીનના ગ્વાંગઝુ સ્થિત BBK ઈલેક્ચ્રોનિક્સ ગ્રુપ અંતર્ગત આવે છે. આ સમૂહના ભારતમાં અનેક લોકપ્રિય બ્રાન્ડ છે. જેમ કે Oppo, Oneplus, Realme અને  iQoo. ચીની કંપની Xiaomi ભારતીય બજારમાં લીડર છે. ત્યારે વિવોએ ભારત બજારમાં ઝડપથી પોતાનું સ્થાન બનાવ્યું છે સેમસંગને પાછળ છોડીને બીજી મુખ્ય ભારતીય બ્રાન્ડ બની ગઈ છે. ત્યારે આ વર્ષના પહેલા સત્રમાં વિવોની બજારમાં ભાગીદારી 17 ટકા પહોંચી ગઈ છે.

ઉલ્લેખનીય છે કે ગલવાન ઘાટીમાં ચીની સેના દ્વારા કરવામાં આવેલી અવળચંડાઈ અને ભારતીય સૈનિકોની હત્યાના પગલે દેશમાં ચીની વસ્તુઓનો વિરોધ થઈ રહ્યો છે. ત્યારે સુરક્ષાના ભાગે સરકારે 59 ચીની એપ પર પ્રતિબંધ મુક્યા છે. અનેક ચીની કંપનીઓના ઈન્ફ્રસ્ટ્રક્ટર કોન્ટ્રાક્ટ રદ્દ થઈ ગયા છે. ત્યારે એવુ લાગી રહ્યુ છે કે સરકારને પણ ચીનના રોકાણમાં કોઈ રસ નથી. જોકે ચીની કંપની વિવોને તેનાથી કોઈ ફર્ક પડી રહ્યો નથી. તે ભારતમાં રોકાણ કરવા ભારે ઉત્સાહી છે.

શું કહ્યું વિવોએ

વિવો ઈન્ડિયાના ડિરેક્ટર બ્રાન્ડ સ્ટ્રેચેજી નિપુણ મૌર્યાએ ગુરુવારે કહ્યુ કે અમે પ્રધાનમંત્રી નરેન્દ્ર મોદીના વોકલ ફોર લોકલના અભિયાનનું સમર્થન કરીએ છીએ. અમારા તમામ ફોન મેડ ઇન ઈન્ડિયા છે અને અમે તેને આગળ વધારવા માંગીએ છીએ અને અમે તેમાં 7500 કરોડ રુપિયાનું રોકાણ ગ્રેટર નોઈડા ખાતેના કારખાનામાં કરી તેની ક્ષમતા વધારી 3 કરોડ થી 12 કરોડ ફોન બનાવવા ઈચ્છીએ છીએ.’

તેમણે એમ પણ કહ્યું કે આ ક્ષમતા વઘારવાથી કારખાનામાં કામ કરનારા ભારતીઓની સંખ્યા 50 હજાર થઈ જશે. આ ઉપરાંત અમે સ્થાનીક સ્ત્રોતોમાંથી માલ ખરીદવાની ભાગીદારીને 15થી વધારી 40 કરવા માંગીએ છીએ. અમે ભારતમાં એક ઈન્ડસ્ટ્રીયલ ડિઝાઈન સેન્ટર પણ બનાવીશું.  આનાથી એ સુનિશ્ચિત થશે કે અમારો ફોન મેડ ઈન ઈન્ડિયા છે. બલ્કિ ભારતમાં ડિઝાઈન પણ કરવામાં આવનારો અને 2021માં બજારમાં મુકવામાં આવનારો પહેલો ફોન બનશે.’