IPLના માહોલમાં અમદાવાદમાં સટ્ટા રેકેટનો પર્દાફાશ થયો છે. આરોપીઓ માસ્ટર આઈડી બનાવીને વેબાસાઈટ પર લોકોને સટ્ટો રમાડતા હતા. જે મામલે પોલીસે કુલ 15 આરોપીઓની ધરપકડ કરી છે.
આઈપીએલના સટ્ટા રેકેટનો પર્દાફાશ
માસ્ટર આઈડી બનાવીને વેબસાઈટ પર રમાડતા સટ્ટો
સમગ્ર મામલે કુલ 15 લોકોની પોલીસે કરી ધરપકડ
હાલ દેશમાં આઈપીએલનો માહોલ ચાલી રહ્યો છે. ત્યારે આવા માહોલમાં રાજ્યમાં ક્યાંકને ક્યાંકથી સટ્ટોડિયાનો પર્દાફાશ થતોજ હોય છે. ત્યારે વધુંમાં ફરી મેગાસીટી અમદાવાદમાં સટ્ટા રેકેટનો પર્દાફાશ થયો છે. જેના કારણે સમગ્ર શહેરમાં ચકચાર મચી જવા પામી છે અને સમગ્ર મામલે પોલીસે કાયદેસરની કાર્યવાહી હાથ ધરી છે.
15 લોકો સામે ગુનો નોંધાયો
અમદાવાદ ક્રાઈમબ્રાંચની ટીમને સટ્ટા રેકેટ વીશે માહિતી મળી હતી જેને લઈને તેમણે આખું રેકેટ ઝડપી પાડ્યું છે. સાથેજ આરોપીઓ સામે તેમણે ફરિયાદ પણ નોંધી છે. સમગ્ર મામલે પોલીસે કુલ 15 લોકો સામે ફરિયાદ નોંધી હોવાનું સામે આવ્યું છે. જેઓ આ સમગ્ર સટ્ટાનું રેકેટ ચલાવી રહ્યા હતા.
વેબસાઈટ દ્વારા લોકોને રમાડતા હતા સટ્ટો
આપને જાણીને નવાઈ લાગશે કે આરોપીઓ આઈપીએલ મેચ પર સટ્ટો રમાડવા માટે માસ્ટર આડી બનાવતા હતા. અને લોકોને તે માસ્ટર આઈડી આપીને સટ્ટો રમાડતા હતા. આરોપીઓએ સિલ્વર બેલ્ટ777 ડોટ કોમ નામની વેબસાઈટ બનાવી હતી. જે વેબસાઈટ થકી તેઓ લોકોને સટ્ટો રમાડતા હતા તેવી માહિતી સામે આવી છે.
23.70 લાખનો મુદ્દામાલ પોલીસે કર્યો જપ્ત
સમગ્ર મામલે ક્રાઈમબ્રાન્ચની ટીમને માહિતી મળ્યા બાદ તેમણે કાયદેસરની કાર્યવાહી આરંભી અને આરોપીઓને ઝડપી પાડ્યા છે. પોલીસે આરોપીઓ પાસેથી કુલ 23.70 લાખનો મુદ્દામાલ જપ્ત કર્યો છે. સાથેજ આ સમગ્ર રેકેટમાં અન્ય કોણ કોણ શામેલ છે તે મામલે પોલીસે તપાસ આરંભી છે.