રિપોર્ટ / ‘બેટી બચાવો’માં અમદાવાદીઓ નિષ્ફળઃ જેન્ડર રેશિયોમાં હજુ પણ ચિંતાજનક તફાવત

મ્યુનિસિપલ કોર્પોરેશનના જન્મ-મરણ વિભાગ દ્વારા ગત ર૦૧૮ દરમ્યાન બાળક અને બાળકીઓના જન્મ અંગેની વોર્ડ વાઇઝ અને વી.એસ. હોસ્પિટલ તેમજ સિવિલ હોસ્પિટલમાં થયેલા જન્મનો રિપોર્ટ તૈયાર કરાયો છે. મ્યુનિ. તંત્રના આ રિપોર્ટની વિગત આઘાતજનક છે.

અમદાવાદ જેવા શહેરમાં દર હજારે ૮૭૦ બાળકી હોઇ દીકરીઓની સંખ્યામાં ચોંકાવનારો ઘટાડો થઇ રહ્યો છે. ગત વર્ષ ર૦૧૮માં શહેરમાં પપરપ૬ બાળકો અને ૪૮૦૭પ બાળકી મળીને કુલ ૧૩૩૩૧ નવજાત શિશુઓએ જન્મ લીધો હતો. એટલે કે શહેરમાં દીકરા કરતા દીકરીઓની સંખ્યા ઓછી જન્મી હતી. તંત્રના સત્તાવાર રિપોર્ટ મુજબ ગત વર્ષ ર૦૧૮માં ૭૧૮૧ બાળકીઓ ઓછી જન્મી હતી.

શહેરના ૪૮ વોર્ડમાં બાળક અને બાળકીઓના જન્મની વિગત તપાસતા ગોમતીપુરમાં ર૬૪ બાળક સામે ર૮પ બાળકી જન્મી હતી. જમાલપુરમાં ર૬૦ બાળક સામે ર૭૧ બાળકીના જન્મ નોંધાયા હતા.  એટલે કે આ વોર્ડમાં બાળકીનાં જન્મનું પ્રમાણ વધારે હતું. જ્યારે કુબેરનગરમાં ૧પ૩ બાળક સામે માત્ર ૪૭ બાળકીના જન્મ નોંધાયા હતા.

શહેરના પોશ ગણાતા બોડકદેવમાં પણ બાળકીઓની સંખ્યાનું પ્રમાણ ઓછું હતું. આ વોર્ડમાં જન્મેલા ૧૪૩૧ બાળક સામે ૧ર૪૦ બાળકીઓનો જન્મ થયો હતો. થલતેજમાં ૧૦૬૯ બાળક સામે ૧૦૦૬ બાળકી, જોધપુરમાં ૧૧૦પ બાળક સામે ૯૮પ બાળકી, નવરંગપુરા ૬ર૦ બાળક સામે પ૬૮ બાળકી એમ શહેરના લગભગ તમામ પોશ વિસ્તારમાં બાળકના જન્મના પ્રમાણ સામે બાળકીનાં જન્મનું પ્રમાણ ઓછું નોંધાયું હતું.

મ્યુનિસિપલ સંચાલિત વી.એસ. હોસ્પિટલમાં ૪૭૦૩ જન્મેલા બાળકો સામે ૪૧પ૪ બાળકી જન્મી હતી. જ્યારે રાજ્ય સરકાર સંચાલિત સિવિલ હોસ્પિટલમાં બાળકીઓનો તફાવત વી.એસ. હોસ્પિટલ કરતા વધુ એટલે કે ૪૧૧૩ બાળકો સામે ૩ર૮૭ બાળકી નોંધાઇ હતી. 

અમદાવાદમાં ગર્ભપાત અને બાળકોનાં જાતિ પરિક્ષણ પર સંપૂર્ણ પ્રતિબંધ હોવા છતાં પણ જો બાળકીઓના જન્મનું પ્રમાણે જો ઘટતું હોય તો તે માટે સગર્ભા માતા પર તેના પતિ સહિતનાં સગાં-સંબંધીઓનું પુત્ર માટેનું દબાણ તો જવાબદાર છે. અમદાવાદથી પરિવારો ગર્ભપરીક્ષણ માટે સુરત અને નાનાં શહેરોમાં જતા હોવાનું પણ જાણવા મળ્યું છે. 

અત્રે ઉલ્લેખનીય છે કે, ગુજરાતમાં દીકરીઓની સંખ્યા ઘટી હોઇને બેટી બચાવો અભિયાનનો ફિયાસ્કો થયો હોવાનું કેન્દ્રના નીતિ આયોગના રિપોર્ટ દ્વારા બહાર આવ્યું છે. આરોગ્ય ક્ષેત્રે ગુજરાતે હરણફાળ ભરી હોવાની બડાઇઓની વચ્ચે ગુજરાતમાં દર હજાર બાળકની તુલનામાં ૮૪૮ બાળકી જન્મે છે. ગુજરાત કરતાં બાળકીના જન્મદરમાં છત્તીસગઢ, કેરળ, ઓરિસ્સા, પ.બંગાળ અને કર્ણાટક મોખરે છે.