કેન્દ્ર સરકારની બેટી બચાવો, બેટી પઢાવો યોજના સારૂ પ્રદર્શન કરી શકી નથી. એક રિપોર્ટ અનુસાર,આ યોજનાના 80 ટકા ફંડનો ઉપયોગ પ્રચાર અને જાહેરાતો માટે જ કરવામાં આવ્યો છે.
સરકારની બેટી બચાવો, બેટી પઢાવો યોજના સારૂ પ્રદર્શન કરી શકી નથી.
આ આયોજના પાછળ અંદાજીત 848 કરોડ રૂપિયાની ફાળવણી કરાઈ
આ યોજનાના 80 ટકા ફંડનો ઉપયોગ પ્રચાર અને જાહેરાતો માટે જ કરવામાં આવ્યો છે
બેટી બચાવો, બેટી પઢાવો યોજના સારૂ પ્રદર્શન કરી શકી નથી.
કેન્દ્ર સરકારની બેટી બચાવો, બેટી પઢાવો યોજના ઘણા રાજ્યોમાં સારૂ પ્રદર્શન કરી શકી નથી. એક રિપોર્ટ અનુસાર, આ સ્કીમ માટે આપવામાં આવેલા 80 ટકા ફંડનો ઉપયોગ આ સ્કીમના પ્રચાર અને જાહેરાતો માટે જ કરવામાં આવ્યો છે. મહિલા સશક્તિકરણ મામલાની સમિતિએ ફંડના નબળા ઉપયોગ પર નિરાશા વ્યક્ત કરતા એક રિપોર્ટમાં આ માહિતી આપી છે.
આ આયોજના પાછળ અંદાજીત 848 કરોડ રૂપિયાની ફાળવણી કરાઈ
મહારાષ્ટ્ર બીજેપી લોકસભા સાંસદ હીના વિજયકુમાર ગાવિતની આગેવાની હેઠળની સમિતિએ ગુરુવારે લોકસભામાં બેટી બચાવો બેટી પઢાવો યોજનાના સંદર્ભમાં શિક્ષણ દ્વારા મહિલાઓના સશક્તિકરણ પર તેનો પાંચમો અહેવાલ રજૂ કર્યો હતો. સમિતિએ ગૃહને જણાવ્યું હતું કે, “2014-15માં તેની શરૂઆતથી 2019-20 સુધી, આ યોજના હેઠળ કુલ અંદાજપત્રીય ફાળવણી રૂ. 848 કરોડ હતી. આમાં 2020-21ના કોવિડથી પ્રભાવિત નાણાકીય વર્ષનો સમાવેશ થતો નથી. આ દરમિયાન રાજ્યોને 622.48 કરોડ રૂપિયાની રકમ જાહેર કરવામાં આવી હતી.
યોજના પર માત્ર 25.13 ટકા ફંડ ખર્ચવામાં આવ્યું હતું
પેનલના અહેવાલમાં કહેવામાં આવ્યું છે કે, 'રાજ્યોએ આ યોજના પર માત્ર 25.13 ટકા ભંડોળ એટલે કે રૂ. 156.46 કરોડ ખર્ચ્યા છે, જે આ યોજનાનું વધુ સારું પ્રદર્શન નથી.' સમિતિએ વધુમાં જણાવ્યું હતું કે 2016-2019 દરમિયાન જાહેર કરાયેલા કુલ ભંડોળમાંથી 446.72 કરોડ રૂપિયા, 78.91 ટકા એકલા મીડિયા જાહેરત પાછળ ખર્ચવામાં આવ્યા હતા. "સમિતિ લોકોમાં બેટી બચાવો બેટી પઢાવોનો સંદેશ ફેલાવવા માટે મીડિયા ઝુંબેશ ચલાવવાની જરૂરિયાતને ઓળખે છે, પરંતુ તે યોજનાના ઉદ્દેશ્યોને સંતુલિત કરવા માટે પણ એટલું જ મહત્વપૂર્ણ છે," અહેવાલમાં જણાવાયું છે.
શું છે બેટી બચાવો બેટી પઢાવો યોજના?
અહેવાલ મુજબ, પેનલે ભલામણ કરી છે કે સરકારે શિક્ષણ અને આરોગ્યમાં ક્ષેત્રીય હસ્તક્ષેપ માટે આયોજિત ખર્ચની ફાળવણી પર ધ્યાન કેન્દ્રિત કરવું જોઈએ. બેટી બચાવો બેટી પઢાવોની શરૂઆત વડાપ્રધાન નરેન્દ્ર મોદીએ 22 જાન્યુઆરી 2015ના રોજ હરિયાણાના પાણીપતમાં કરી હતી. બેટી બચાવો બેટી પઢાવો યોજના સમગ્ર જીવનકાળ દરમિયાન બાળ જાતિ ગુણોત્તરમાં થતા ઘટાડાને રોકવામાં મદદ કરે છે અને મહિલાઓના સશક્તિકરણને લગતા મુદ્દાઓને સંબોધિત કરે છે.