વિન્ટર ટિપ્સ / ઠંડીની સીઝન આવી ગઈ, જાણી લો શું કરવું અને શું ન કરવું

• ઠંડીની સીઝન આરોગ્ય બનાવવાની સીઝન કહેવાય છે
• ઠંડીની સીઝનમાં કેટલાક કામ કરવા નુકસાનકારક હોઈ શકે છે
• શિયાળામાં ડ્રાયનેસથી બચવા ગ્લિસરીન લગાવો

ભલે વાત હોય ઠંડીના ડાયેટની કે પછી ત્વચાની દેખભાળની હોય. આ સમયે આપણે જેટલું આપણી પર ધ્યાન આપીશુ તેટલું સારું. ઠંડી હવાઓમાં આપણે ખુદની દેખભાળ કરવાની વિશેષ જરૂર પડે છે. મોટાભાગે ઠંડીની સીઝનમાં ચહેરા અને શરીર પર ડ્રાયનેસ આવી જાય છે. તેનું એક કારણ ઠંડી અને સુકી હવા છે. આ કોલ્ડ વાતાવરણ આપણા શરીરનો ભેજ છીનવી લે છે. આ કારણે ડ્રાયનેસ જેવી સમસ્યા સામાન્ય બાબત છે. આખરે આપણે કેવી રીતે ખુદનો ખ્યાલ રાખી શકીએ છીએ. 
આપણે ઠંડીની સીઝનમાં ખુબ જ ગરમ હોય તેવા પાણીથી નહાવાનુ પસંદ કરીએ છીએ. આપણને એ વાતની જાણ હોવી જોઇએ કે વધુ પડતા ગરમ પાણીના ઉપયોગથી ત્વચા ડ્રાય બને છે અને પ્રાકૃતિક ભેજ ખતમ થઇ જાય છે. ખુબ ગરમ પાણી આપણા શરીરને નુકસાન પહોંચાડે છે. તેથી શક્ય હોય તો વધુ પડતા ગરમ પાણીથી નહાવાથી બચવુ જોઇએ.

• નહાવા જતા પહેલા તમારા આખા શરીરને સરસવ કે જૈતૂનના તેલથી સારી રીતે માલિશ કરો તે પછી જ નહાવા જાવ. તેનાથી તમારા શરીરમાં ભેજ જળવાયેલો રહેશે અને ડ્રાયનેસમાંથી છુટકારો મળશે. 
• નાહી લીધા બાદ તમે ગ્લિસરીનનો ઉપયોગ કરી શકો છો. નાહી લીધા બાદ સહેજ ગ્લિસરીન લઇને આખા શરીર પર લગાવી લો, તેનાથી આખો દિવસ ત્વચા સોફ્ટ રહેશે. 
• તમે ઉબટનનો ઉપયોગ કરી શકો છો. ઉબટન માટે બેસન, મલાઇ, દૂધ અને મધને મિક્સ કરો અને નહાતા પહેલા આખા શરીર પર લગાવો. તે તમારા શરીરને તાજુ માજુ રાખશે અને ડ્રાયનેસ પણ દુર કરશે. 
• મધ અને મલાઇને એક સરખી માત્રામાં લઇને તમારા ચહેરા પર લગાવી શકો છો. તેનાથી તમારી ત્વચા કોમળ બનશે, આ ગ્લો માટે પણ એક સારો ફેસ પેક છે.
• ઠંડીની સીઝનમાં આપણે ખુબ ઓછુ પાણી પીએ છીએ. તેના કારણે ડ્રાયનેસની સમસ્યા થાય છે. ઠંડીમા વોટર ઇનટેકનુ વધુ ધ્યાન રાખો. લિકવીડ ડાયેટ પણ લેતા રહો.
• ફ્રૂટ્સ ખાવા તમારી હેલ્થ માટે ખુબ જરૂરી છે. તે તમને એનર્જી આપે છે. સાથે સાથે મોસમી ફળોનું સેવન કરવું પણ જરુરી હોય છે. જે સીઝનમાં જે ફ્રુટ્સ મળતા હોય તે ચોક્કસ ખાવ.
• ગ્લિસરીન અને લીંબુને સમાન માત્રામાં મેળવીને રાત્રે સૂતા પહેલા લગાવી શકો છો. તે એક નેચરલ મોઇશ્ચરાઇઝરનું કામ કરે છે.