વાળ અને સ્કિનની સમસ્યાઓને ઘરે જ સસ્તામાં ઠીક કરવી હોય તો અહીં જણાવેલાં સામાન્ય પરંતુ અસરકારક ઉપાયો કરવાનું શરૂ કરી દો.
શિયાળામાં વાળ અને સ્કિન સૌથી વધુ ખરાબ થાય છે
કેટલીક ટિપ્સથી વાળ અને સ્કિનને રાખો હેલ્ધી
સામાન્ય વસ્તુઓ વાળમાં મેજિકની જેમ અસર કરે છે
ઠંડીની સીઝન આવે કે તેની સીધી અસર આપણા વાળ પર જોવા મળે છે. સૌથી વધુ શુષ્ક અને નિસ્તેજ બની જાય છે. એવામાં તેની થોડી વધુ કેર કરવી જ પડે છે. તો ચાલો વાળ માટેની બેસ્ટ ટિપ્સ જાણીએ.
કોપરેલમાં કપૂર ભેળવીને વાળના મૂળમાં માલિશ કરો. વાળમાં થતો ખોડો એનાથી દૂર થઇ જશે.
વાળમાં જે તેલ લગાવતાં હો એને ગરમ કરીને આંગળીના ટેરવાંથી માથામાં પંદર મિનિટ મસાજ કરો. ગરમ પાણીમાં ભીંજવેલો ટુવાલ માથા પર બે-ત્રણ મિનિટ લપેટીને ટુવાલને ફરીથી ગરમ પાણીમાં ભીનો કરીને માથા પર વીંટાળી દો. ચાર-પાંચ વાર આમ કરવાથી તેલ વાળના મૂળમાં ઉતરશે અને વાળ મજબૂત બનશે.
કોપરેલને થોડું ગરમ કરીને તેમાં એક લસણની કળી અને એક ચમચી તલનું તેલ ભેળવીને રાખો, આ તેલ ઠંડુ પડ્યા પછી માથામાં નાખવાથી ઠંડક રહે છે અને વાળ ઓછા ખરે છે.
ખીલ વધારે થતાં હોય તો લીમડા પાંદડા લઇને મિક્ચરમાં પીસી લો. તેમાં મુલતાની માટી અને ગુલાબજળની પેસ્ટ બનાવી ચહેરા પર લગાવી સૂકાઇ જાય એટલે નવશેકા પાણીથી ચહેરો ધોઇ લો. આ રીતે રોજ કરવાથી ખીલ દૂર થઇ જશે.
તમારી ત્વચા શુષ્ક હોય તો કેળાંને છુંદીને તેનો ગર ચહેરા પર લગાવો અને તે સૂકાઇ જાય એટલે તેને પાણીથી ધોઇ લો. દિવસમાં બે વખત આ પ્રયોગ કરો. ત્વચા કોમળ બની જશે.
રોજ દિવસમાં એક વખત નાળિયેર પાણી પીઓ, જેથી ચહેરા પર કુદરતી ચમક જળવાઇ રહે તાપ સામે ત્વચાનો રંગ પણ જળવાઇ રહેશે.
ચાને આખી રાત દૂધમાં પલાળીને રાખો. સવારે તેની ઘટ્ટ પેસ્ટ બનાવીને ચહેરા પર કાળા ડાઘ પડ્યા હોય ત્યાં લગાવી દો. આવું કરવાથી એક અઠવાડિયામાં તમે ફરક જોઇ શકશો.