Winter Special / શિયાળામાં બનાવીને ખાઓ આ એકદમ ખાસ પ્રકારનો હલવો, વધારશે તમારી તાકાત અને કોરોનાથી બચાવશે

સામગ્રી

250 ગ્રામ બદામ
અડધો કપ ખસખસ
અડધો કપ મગજતરીના બીજ
1 ચમચી સફેદ કાળા
દોઢ કપ ઘી

રીત 

સૌથી પહેલાં બદામ આખી રાત પલાળી દેવી. પછી એક બાઉલમાં ખસખસ અને મગજતરી પણ આખી રાત પલાળવા. 1 ચમચી સફેદ કાળા મરી પણ આખી રાત પલાળી દેવી. હવે બદામ છોલી લેવી. પછી મિક્સરમાં પલાળેલા પાણી સાથે બધી સામગ્રી બરાબર પીસી લો. થિક અને સ્મૂધ પેસ્ટ બને એ રીતે પીસી લો. હવે એક પેનમાં દોઢ કપ ઘી નાખવું અને પછી તેમાં પીસેલું મિશ્રણ નાખી દેવું. તેમાં 2 ચમચી પાણી નાખી મીડિયમ ફ્લેમ પર શેકવું. ઘી ઓછું લાગે તો ફરી ઘી નાખી શકો છો. હલવો એકદમ ધીમી આંચ પર ઘી છૂટે ત્યાં સુધી શેકવું. લગભગ અડધો કલાક સુધી શેકવું. ગોલ્ડન બ્રાઉન થઈ જાય પછી ગેસ બંધ કરો. પછી હલવો ઠંડો કરી લો. હવે તેને એક ગ્લાસ જારમાં ભરી દો. પછી તેને ફ્રીઝમાં મૂકીને 1 મહિનો સુધી ખાઈ શકાય છે.

હલવો ખાવાની રીત

એક પેનમાં એક મોટો ચમચો તૈયાર હલવો લઈ તેમાં અડધો કપ દૂધ નાખી મિક્સ કરી લેવું. પછી તેમાં 2 ચમચી ખાંડ નાખવી, તમે સાકર પણ નાખી શકો છો. દૂધમાં શેક્યા બાદ તૈયાર છે તમારો હેલ્ધી અને તાકાત આપનાર શિયાળુ સ્પેશિયલ હલવો. આને તમે રોજ સવારે બ્રેકફાસ્ટમાં ખાઈ શકો છો.