કિચન ઘરનો એક મહત્ત્વનો ભાગ હોય છે. મોટાભાગના ઘરમાં મહિલાઓ કિચન સંભાળે છે, કેટલાક પરિવારમાં મહિલાઓની સાથે પુરુષો પણ કિચનમાં મદદ કરતા હોય છે. કિચનમાં જમવાનું બનાવતી વખતે ઘણાં પ્રકારની નાની નાની પરેશાનીઓ પણ થાય છે, જેમકે રસોઈમાં ઉપયોગ લેવાતા ટોવેલ, શાકભાજી કાપવાનો ચોપિંગ બોર્ડ કે પછી ઘણાં લોકો કિચનમાં ડસ્ટબિન પણ રાખતા હોય છે. આ બધું કિચનમાં થતું હોય છે. આ કારણે ક્યારેક કિચનમાંથી ખરાબ સ્મેલ આવતી હોય તેવું બની શકે છે. જેથી કેટલીક બાબતોનું ધ્યાન રાખવાથી તમે આ સમસ્યાથી દુર રહી શકો છો.
સ્ટીલના વાસણને ઝડપથી ચમકાવવા માટે તેની પર રબિંગ આલ્કોહોલનો ઉપયોગ કરો. વાસણ સાફ કરવા માટે કોટનની ઉપર જરુરિયાત મુજબ આલ્કોહોલ નાંખીને વાસણ સાફ કરો. 2-3 મિનિટ તેને એમજ રહેવા દો. ત્યારબાદ ડિશ વોશરમાં વાસણ નાંખીને તેને સાફ કરી લો.
કિચન ડિશ વોશરનો ઉપયોગ તમે બટાકા અને તેના જેવા સખત શાકભાજી ધોવા માટે કરી શકો છો.
1-2 દિવસ બાદ કિચન ટોવલનો ઉપયોગ કરવાથી તમને અજીબ સ્મેલ આવવા લાગે છે. આ સ્મેલને દુર કરવા માટે સૌથી પહેલા ટોવેલને માઇક્રોવેવમાં 30 મિનિટની હીટ અપાવી શકો છો. અથવા તેને તડકામાં સુકવી દો.
કીચન ટોવેલ વધુમા વધુ બે દિવસ જ વાપરો, ત્યારબાદ તે ચેન્જ કરો. મોટાભાગના ઘરમાં તેનો ઉપયોગ સૌથી વધુ થાય છે.
વાસણ ધોવાના સ્પંજને અઠવાડિયામાં એકવાર કોરુ કરીને તડકામાં સુકવો અથવા 30 સેકન્ડ માટે માઇક્રોવેવમાં રાખી દો. ડિશ વોશર સાથે તેને પણ ધોઇ નાંખો. તેનાથી સ્પંજ પર જામેલા જર્મ્સ ખતમ થઇ જશે.
ફ્રિજમાં શાકભાજી અને ફ્રુટ્સ રાખવા માટે પ્લાસ્ટિક પોલિથિનના બદલે પેપર પોલિથિનનો ઉપયોગ કરો.
રીંગણનો ઓળો બનાવવા રીંગણ શેકો ત્યારે ગેસ સ્ટેન્ડનો ઉપયોગ કરો. નહીંતો રીંગણમાંથી નીકળતા પાણીથી ગેસ બર્નરના કાણા બંધ થઇ જશે અને વખત જતા તે ખરાબ થશે.