ફાયદાકારક / ઘણી મહિલાઓના પ્રેગ્નેન્સી દરમિયાન પુષ્કળ વાળ ખરે છે, આ 5 નેચરલ ઉપાય સમસ્યા કરી દેશે દૂર

• પ્રેગ્નેન્સી દરમિયાન ઘણી મહિલાઓને વાળ ખરવાની સમસ્યા થાય છે
• આ સમયમાં વાળ ખરતાં રોકવા નેચરલ ઉપાયો જ કરવા
• આ 5 ટિપ્સથી મહિલાઓના વાળ ખરતાં રોકાશે

આ ટિપ્સ વાળ ખરતાં રોકશે

પ્રેગ્નેન્સી દરમ્યાન જો વાળ વધુ ખરી રહ્યા હોય તો વાળમાં ઓઈલ મસાજ કરો. તેનાથી વાળને પોષણ મળશે. પ્રેગ્નેન્સી દરમ્યાન સપ્તાહમાં ઓછાંમાં ઓછું 3-4 દિવસ ઓઈલથી મસાજ કરવું. નવશેકા તેલથી વાળમાં મસાજ કરવાથી આ સમસ્યા દૂર થશે.

પ્રેગ્નેન્સી દરમ્યાન માત્ર મહિલાઓના શરીરમાં જ ફેરફાર નથી આવતો પણ વાળની સ્થિતિમાં પણ ફેરફાર આવે છે. ઘણાંને તો વાળ તૂટવા લાગે છે, સ્પિલ્ટ એન્ડ્સની સમસ્યા પણ થઈ જાય છે. તેના માટે રેગ્યુલર વાળ ટ્રીમ કરાવવા અને વાળમાં દહીં લગાવવું.

સૌથી ખાસ વાત એ છે કે પ્રેગ્નેન્સી દરમ્યાન પણ મહિલાઓએ વાળના પ્રમાણે હેર કેઅર પ્રોડક્ટ્સનો ઉપયોગ કરો. બને એટલું વધુ કેમિકલવાળા પ્રોડક્ટ્સનો ઉપયોગ ટાળવો અને વાળને જરૂરી પોષણ આપે એવા પ્રોડક્ટ્સનો ઉપયોગ કરવો.

પ્રેગ્નેન્સી દરમ્યાન ખાનપાનની અસર મહિલાઓના શરીર પર દેખાય છે. તેનાથી બેબી પર તો અસર પડે છે સાથે સ્કિન અને વાળ પણ સારાં થાય છે. આવું સારો ખોરાક ખાવાથી થાય છે. જેથી આ સમયે વાળને વધુ સારાં બનાવવા માટે ડાયટમાં લીલા શાકભાજી, ડ્રાય ફ્રૂટ્સ, દાળો, દૂધ અને ફળો જેવી હેલ્ધી વસ્તુઓને સામેલ કરવી.

વાળ વધુ ખરી રહ્યાં હોય તો ડોક્ટરને જણાવો અને તમારી ડાયટ પર ધ્યાન આપો. જેથી તમને વધુ પોષણ મળે છે અને વાળ સારાં થાય.