શિયાળામાં સ્કિન ડ્રાય અને બેજાન થવી સમાન્ય વાત છે પણ ઘણાં લોકોને શિયાળામાં ખુજલીની સમસ્યા ખૂબ જ વધી જાય છે. કોલ્ડ ક્રીમ્સ અને મોઈશ્ચરાઈઝિંગ લોશન લગાવવા છતાં તેનાથી ફાયદો થતો નથી. શિયાળમાં ઠંડી અને ડ્રાય હવાને કારણે સ્કિનના ઉપરી પડને નુકસાન થાય છે. જેના કારણે સ્કિનનું મોઈશ્ચર ખતમ થઈ જાય છે અને સ્કિનમાં રેશિઝ થવા લાગે છે. જેમાંથી બેક્ટેરિયા સ્કિનમાં પ્રવેશે છે અને તેનાથી કારણે ખુજલીની સમસ્યા વધે છે. જેથી આજે અમે તમને શિયાળામાં આ સમસ્યાથી બચવા માટે બેસ્ટ ટિપ્સ જણાવીશું.
શિયાળામાં રાખો સ્કિનનું ધ્યાન
આ બેસ્ટ ઉપાય કરી લો
સ્કિન નહીં થાય ડ્રાય અને રફ
વધુ સમય સુધી ગરમ પાણીથી નહાવું નહીં
શિયાળામાં લોકો ગરમ પાણીથી નહાય છે. પણ વધુ ગરમ પાણીથી લાંબો સમય સુધી નહાવાથી સ્કિનના ઉપરના પડમાં રહેલું નેચરલ ઓઈલ નીકળી જાય છે. જેના કારણે સ્કિન ડ્રાય થાય છે અને ખુજલી આવે છએ. જેથી 15 મિનિટથી વધારે ગરમ પાણીથી નહાવું નહીં.
નારિયેળ તેલ લગાવો
ખુજલીની સમસ્યા બહુ વધી જાય તો ફેસ અને બોડી પર નારિયેળ તેલ લગાવો. તમે તેમાં વિટામિન ઈની ટેબ્લેટ અથવા ગ્લિસરીન મિક્સ કરીને પણ લગાવી શકો છો. આનાથી સ્કિન સોફ્ટ બનશે અને ખુજલી નહીં આવે.
પેટ્રોલિયમ જેવી
સેન્સિટિવ સ્કિન માટે પેટ્રોલિયમ જેવી બેસ્ટ છે. તેમાં હાનિકારક કેમિકલ્સ ન હોવાથી તે નેચરલી સ્કિનને રિપેર અને મોઈશ્ચરાઈઝ કરે છે. તેનાથી સ્કિનમાં ખુજલીની સમસ્યા પણ દૂર થાય છે.
બદામનું તેલ
ખુજલીની સમસ્યા દૂર કરવા માટે રોજ રાતે સૂતી વખતે બદામના તેલથી માલિશ કરી શકો છો. તમે તેમાં ઓલિવ ઓઈલ પણ મિક્સ કરી શકો. તેનાથી બેજાન અને ડ્રાય સ્કિન મુલાયમ બનશે.
પાણી પીવો
શિયાળામાં મોટાભાગના લોકો તરસ ન લાગવાથી પાણી પીવાનું ભૂલી જાય છે. જેના કારણે સ્કિન ડિહાઈડ્રેટ થાય છે અને સ્કિનમાં રેશિઝ પણ પડે છે. સ્કિનને હાઈડ્રેટ અને સોફ્ટ રાખવા રોજ 8 ગ્લાસ પાણી પીવું.
હેલ્ધી ખોરાક
શરીરને હેલ્ધી ખોરાક અને વેલનેસની જરૂર ફક્ત શિયાળામાં જ નહીં, આખા વર્ષ દરમ્યાન હોય છે. હેલ્ધી અને પૌષ્ટિક ખોરાક, ખૂબ પાણી અને ફ્રૂટ્સ શરીર માટે જરૂરી છે. આ બધા સાથે હળવી એક્સરસાઇઝ પણ દરેક સીઝનમાં શરીરને સ્વસ્થ રાખવામાં મદદરૂપ થાય છે અને જો શરીર સ્વસ્થ હશે તો સ્કિન પણ દમકતી રહેશે.