આજકાલના યુવાનોને સોલો ટ્રીપ વધુ આકર્ષી રહી છે. એડવેન્ચર્સ અને ટ્રેકિંગ માટે તેઓ દુનિયાભરની સફર કરે છે. જોકે સારી જગ્યા સિલેક્ટ કરવી પણ ખુબ જરૂરી છે. જો સારી જગ્યા પસંદ કરવામાં આવે તો ફરવાની મજા બમણી થઇ જતી હોય છે.
સોલો ટ્રીપ માટે બેસ્ટ છે ઉત્તરાખંડનું રૂપકુંડ ટ્રેક
ગાઢ જંગલો અને સુંદર પહાડો વચ્ચે આવેલું છે આ સ્થળ
ટ્રેકિંગનો શોખ ધરાવતા લોકો માટે બેસ્ટ છે આ ડેસ્ટિનેશન
સોલો ટ્રીપ એટલે કે એકલા ટ્રાવેલિંગ આજકાલના યુવાનોને વધુ આકર્ષે છે. દુર દુર સુધી ફેલાયેલા પહાડો અને વાદીઓની વચ્ચે ટ્રેકિંગ અને ઘણા બધા એડવેન્ચર્સ માટે યુવાનો દુનિયાભરની સફર કરે છે. ઘણી વાર ટ્રાવેલર્સ એવી જગ્યાઓ સિલેક્ટ કરી લે છે જ્યાં આ બધી વસ્તુઓ મળી શકતી નથી. તેનાથી તેમનો સમય પણ બરબાદ થાય છે અને ખુલીને મસ્તી પણ કરી શકતા નથી. જો તમને પણ ટ્રેકિંગનો શોખ હોય અને તમે કોઇ સારા ડેસ્ટિનેશનની શોધ કરી રહ્યા હો તો ઉત્તરાખંડનો રૂપકુંડ ટ્રેક તમારા લિસ્ટમાં ટોપ પર હોઇ શકે છે.
આ જગ્યા ખુબ જ રહસ્યમયી છે
રૂપકુંડ ટ્રેક ઉત્તરાખંડના ચમોલી જિલ્લામાં આવેલું છે. અહીં દુર દુર સુધી ગાઢ જંગલો છે. એવું કહેવાય છે કે આ જગ્યા ખુબ જ રહસ્યમયી છે. ચારે બાજુ પર્વતોની ઘાટીઓ આ જગ્યાને વધુ શાનદાર બનાવે છે. આ જગ્યા હિમાલયની બે ચોટીઓ ત્રિશુલ અને નંદઘુંગટીના તટની પાસે આવેલી છે. આ જગ્યા પર ટ્રેકિંગના દિવાના લોકો આવે છે. અહીં કેટલાક મંદિર અને નાનકડુ ઝરણુ પણ છે, જે આ જગ્યાની સુંદરતામાં ચાર ચાંદ લગાવે છે. આ ઉપરાંત અહીંના ઊંડા ઢાળ પર ઝરણાંનું સંગીત ટ્રાવેલર્સને વધુ એટ્રેક્ટ કરે છે.
રૂપકુંડને ‘કંકાલ ઝીલ’ પણ કહેવાય છે
રૂપકુંડને ‘કંકાલ ઝીલ’ પણ કહેવાય છે, તેની પાછળનો તર્ક એ છે કે 1942માં અહીં 500થી વધુ હાડપિંજર મળી આવ્યા હતા. ત્યારથી આ જગ્યા ‘કંકાલ ઝીલ’ના નામે ઓળખાય છે. જાણકારો કહે છે કે જ્યારે આ હાડપિંજરોનુ પરીક્ષણ થયુ તો જાણવા મળ્યુ કે તે 12મી અને 15મી સદીની વચ્ચેના લોકોના હતા. ઉલ્લેખનીય છે કે રૂપકુંડ ઝીલ ઠંડીની સીઝનમાં સંપૂર્ણ જામી જાય છે.
કેવી રીતે પહોંચશો રૂપકુંડ
રૂપકુંડ જવા માટે સૌથી પહેલા હરદ્વાર જવું પડશે. ત્યારબાદ ઋષિકેશ અને પછી દેવપ્રયાગ. ત્યાંથી શ્રીનગર ગઢવાલ. ત્યારબાદ કર્ણપ્રયાગ પછી થરાલી. ત્યારબાદ દેવાલ અને પછી વાંણ વેદની બુગ્યાલ. ત્યારબાદ તમે બખુવાબાસા પહોંચશો. ત્યાંથી તમારે કેલુ વિનાયક જવું પડશે. ત્યારબાદ તમે રોમાંચિત કરનાર ડેસ્ટીનેશન રૂપકુંડ પહોંચી જશો