ફાયદાકારક / ગરમીમાં આ સામાન્ય ટિપ્સ ગાંઠ બાંધી લેશો તો આખી સિઝન રોગોથી બચીને રહેશો, જાણો શું શું કરવું

• ગરમીમાં સ્વાસ્થ્યનું વધુ ધ્યાન રાખવું
• આ સિઝનમાં હાઈપર ટેન્શન, ડીહાઈડ્રેશન, સનસ્ટ્રોકનો ખતરો વધે છે
• આ સરળ ટિપ્સથી રહો સ્વસ્થ

આ સિઝનમાં કફ, પિત્ત, અને વાયુનો પ્રકોપ વધે છે, પરંતુ થોડી સાવધાની રાખીને સ્વસ્થ રહી શકાય છે. આ સિઝનમાં ઓવરઈટિંગથી દૂર રહેવું અને જ્યૂસનું વધુ સેવન કરવું જોઈએ. 

ગરમીથી લૂ, સનબર્ન, ઝાડા ઊલટી, તાવ, ડિપ્રેશન, માથાનો દુખાવો, લો-બીપી જેવી સમસ્યા થઈ શકે છે. એક ઋતુ જાય અને બીજી ઋતુ આવે એટલે થોડી ઘણી બેચેની રહે છે. આવી ઋતુમાં સૌ પ્રથમ શરીરની પ્રકૃતિનું ધ્યાન રાખવું જોઈએ. એવામાં ચૈત્ર મહિનામાં ૧૦ દિવસ માટે લીમડાનો રસ પીવાથી આરોગ્ય સારું રહે છે. 

આ ઋતુમાં ઓવર ઈટિંગથી દૂર રહેવાની અને સાંજના સમયે હળવો ખોરાક લેવાની સલાહ આપે છે. તેમના મતે સાંજે દાળ, કઠોળ તેમજ મરી-મસાલાવાળો ખોરાક લેવાથી ગેસ-અપચો થવાની શક્યતા વધી શકે છે. બરફના ગોળા કરતાં તડબૂચ કે શક્કરટેટીનો ઠંડો જયૂસ વધુ લાભદાયી છે. 

આટલું ધ્યાન રાખો

• ગરમીની સિઝનમાં રોજ જમવામાં ડુંગળીનો સમાવેશ કરવો જોઈએ. 
• કાચી કેરીનું કચૂંબર લૂથી બચાવશે. જેથી કાચી કેરી રોજ ખાવી. કાચી કેરીનો બાફલો પણ લઈ શકાય, કાચી કેરીનું શરબત પણ પી શકો છો.
• મધનું પાણી, લીંબુ પાણીનું સેવન આ સિઝનમાં લાભદાયી છે.  
• કાપી રાખેલા ફળોના બદલે તાજા ફળ જ ખાવા. 
• જમવા સાથે છાસ લેવી. 
• એલોવેરાનું જેલ લગાવાથી આ ઋતુમાં સ્કિનમાં રાહત રહે છે.
• પાણી વધુને વધુ પીવું . દિવસભરમાં 10 થી 12 ગ્લાસ પાણી પીવું. 
• વરિયાળી, ખસ, ગુલાબનું શરબત લઈ શકાય. 

ડાયટ

આ સિઝનમાં ડાયટમાં પણ ધ્યાન રાખવું, પેટને અને શરીરને આંતરિક ઠંડક મળે એવો ખોરાક ખાવો. હળવો ખોરાક ખાવો. એક ફળ, ગ્રીન ટી કે લીંબુ પાણી ડાયટમાં લેવું. રાતે વહેલાં જમી લેવું હિતાવહ છે, જેથી પેટની સમસ્યાઓ નહીં થાય.