શિયાળા આવતા જ સ્કિન અને ચહેરો ખરાબ થવા લાગે છે. ડ્રાયનેસ અને ડલનેસ વધી જાય છે. ફાઈનલાઈન્સ વધુ દેખાવા લાગે છે. આ સાથે સ્કિન રિલેટેડ પ્રોબ્લેમ્સ પણ વધી જાય છે. જેથી આ સિઝનમાં સ્કિનનું ધ્યાન રાખવું ખૂબ જ જરૂરી છે. જો તમે પણ શિયાળામાં પાર્લરનો ખર્ચો બચાવવા માંગો છો અને સ્કિનને સોફ્ટ, ગ્લોઈંગ અને હેલ્ધી રાખવા માંગો છો તો આજે અમે તમને એવા ઉપાય અને ટિપ્સ જણાવી રહ્યાં છે જેનો ઉપયોગ તમે સરળતાથી ઘરે કરી શકશો. તેના માટે તમારે કોઈ પૈસા ખર્ચવા નહીં પડે અને આ ટિપ્સ મહિલા અને પુરૂષો બધાં માટે લાભકારી છે. તો ચાલો જાણી લો.
શિયાળામાં મહિલા અને પુરૂષો બંને માટે બેસ્ટ છે આ ઉપાય
ચહેરો સસ્તામાં ચમકાવો
આ નેચરલ ટિપ્સ કરશે મદદ
કલીન્સર બનાવવા માટે
એક ગ્લાસ પાણી, એક ચમચી ગ્લિસરીન, એક ચમચી લીંબુનો રસ અને એક ચમચી મધ ભેળવો. આ કલીન્સર કોઇ પ્રકારની ત્વચા માટે ઉપયોગી છે.
બે ચમચી મલાઇમાં એક ચમચી ગ્લિસરીન ભેળવી બરાબર મિક્સ કરો. તૈયાર લોશનને ચહેરા પર લગાવો અને કોટનબોલથી સારી રીતે લૂછી લો. આ કલીન્સર શુષ્ક ત્વચામાં નિખાર લાવે છે.
ટોનર બનાવવા માટે
એક ગ્લાસ પાણી ગરમ કરો. તે ઉકળે એટલે તેમાં દેશી ગુલાબની 15-20 પાંખડીઓ નાખો. પાણી ઉકળીને અડધા ભાગનું રહે, ત્યારે આંચ પરથી ઉતારી તૈયાર ટોનરને ઠંડું કરી બોટલમાં ભરી લો.
એક ગ્લાસ પાણી ગરમ કરો. તે ઉકળે એટલે તેમાં લીમડાના 8-10 પાન નાખો. તે બરાબર ઉકળી જાય એટલે ગેસ પરથી ઉતારી બોટલમાં ભરી લો. આ એન્ટિસેપ્ટિક ટોનરથી ખીલ કે પરૂવાળી ફોલ્લીની સમસ્યા દૂર થાય છે. નોંધ : ઉપર જણાવેલા ટોનર અને કલીન્સરને ફ્રિજમાં રાખી એક અઠવાડિયા સુધી ઉપયોગ કરી શકાય છે.
ફેસપેક બનાવવા માટે
બે ચમચી ચંદનનો પાઉડર, અડધી કાકડીની પેસ્ટ, એક ચમચી મિલ્ક પાઉડર અને એક ચમચી મધ ભેળવો. સામાન્ય ત્વચાને સ્વસ્થ બનાવવા માટે આ ફેસપેકનો ઉપયોગ કરવામાં આવે છે.
ખસખસને આખી રાત પાણીમાં પલાળી રાખી તેની પેસ્ટ બનાવો. તેમાં બે ચમચી સુખડનો પાઉડર અને એક ચમચી મિલ્ક પાઉડર મિક્સ કરો. જો તમારી ત્વચા સામાન્ય હોય, તો આનો ઉપયોગ વધારે સારી રીતે કરી શકો છો.
4-6 બદામ, 20 નંગ ચારોળીને આખી રાત પાણીમાં પલાળો. સવારે પાણી નિતારીને તેની પેસ્ટ બનાવો. આ પેસ્ટમાં એક ચમચી સુખડનો પાઉડર, એક ચમચી મિલ્ક પાઉડર અને એક ચમચી ગ્લિસરીન ભેળવો. ગ્લિસરીનના બદલે કેળાના ગરનો ઉપયોગ પણ કરી શકો છો. શુષ્ક ત્વચાને કાંતિવાન બનાવવા માટે આ ફેસપેક અત્યંત સારું રહે છે.
જો તમારી ત્વચા તૈલીય હોય તો પપૈયાના પલ્પથી 15 મિનિટ સુધી ચહેરા પર મસાજ કરો. તે પછી ઠંડા પાણીથી ચહેરો ધોઇ નાખો. આનાથી તમારી ત્વચા કાંતિવાન બનશે.