યોગ્ય રીતે દાંતની સફાઈ ન કરવાથી, પાન-મસાલાઓ ખાવાથી અથવા પ્લાક જામી જવાનથી કે પછી કેટલીક બીમારીઓને કારણે, અમુક વસ્તુઓ ખાવાથી કે ઉંમર વધવાને કારણે પણ દાંત પીળા અને ડાઘાવાળા થઈ જાય છે. ઘણાને તો દાંતમાં કાળા ડાઘા પર થઈ જાય છે. દાંત વધારે પીળા અથવા ખરાબ થઇ જાય છે તો દેખાવ ખરાબ લાગવા લાગે છે. દાંત આપણા જીવનમાં મહત્વનો ભાગ ભજવે છે. મોતી જેવા સફેદ અને ચમકદાર દાંત સુંદરતા અને વ્યક્તિત્વમાં ચારચાંદ લગાવી દે છે. જેથી આજે અમે તમને રાજીવ દીક્ષત દ્વારા જણાવેલા દાંતના ડાઘા દૂર કરવા અને દાંતને સફેદ રાખવાના બેસ્ટ નુસખાઓ.
પીળા દાંતને મોતી જેવા સફેદ કરવા દાતણનો ઉપયોગ કરો
ટૂથપેસ્ટમાં રહેલાં કેમિકલ્સથી દાંતને નુકસાન થઈ શકે છે
દંતમંજનનો પણ ઉપયોગ કરી શકો છો
હમેશાં દાતણનો ઉપયોગ કરો
દાંત સાફ કરવા માટે હમેશાં દાતણનો ઉપયોગ કરો અને જો દાતણ ન મળે તો દંતમંજનનો ઉપયોગ કરવો. મોંઘી ટૂથપેસ્ટનો ઉપયોગ કરવો નહીં. ટૂથપેસ્ટમાં કેમિકલ્સ હોય છે જેનાથી દાંતને નુકસાન થઈ શકે છે, સાથે જ બ્રશના બ્રિસલ પ્લાસ્ટિકના હોય છે તેનાથી પણ પેઢાંને નુકસાન થાય છે.
કોઈપણ કંપનીનું દંતમંજન વાપરી શકો
તમે કોઈપણ કંપનીનું દંતમંજન વાપરી શકો છો અથવા તો લીમડાનું દાતણ, બોરનું દાતણ અથવા તો બાવળના દાતણને પણ ઉપયોગમાં લઈ શકો છો.
આ નુસખાથી દાંતના રોગો રહેશે દૂર
ઘરે જ દંતમંજન બનાવવા માટે હળદર લઈ તેમાં થોડું સરસિયાનું તેલ અને સહેજ મીઠું મિક્સ કરીને રોજ સવારે તેનાથી દાંત ઘસો. આ બેસ્ટ મંજન છે. જેનાથી દાંતના રોગો સામે રક્ષણ મળે છે અને દાંતના ડાઘા પણ ઝડપથી દૂર થાય છે.
આ ઉપાયથી દાંત એકદમ સાફ થઈ જશે
ગાયના ગોબરને સૂકવી તેને બાળીને તેની રાખમાં થોડું મીઠું અને થોડી ફટકરીનો પાઉડર મિક્સ કરીને તેને દાંત પર ઘસો તેનાથી દાંત એકદમ સાફ થઈ જશે અને સાથે જ દાંત સ્વસ્થ પણ રહેશે.
લીંબુની છાલનો ઉપયા છે બેસ્ટ
લીંબુનો રસ કાઢી તેની છાલને પલટી દો, એટલે કે અંદરનો ભાગ પલટી તેની પર મીઠું લગાવી તેને દાંત પર ઘસો. લીંબુની છાલમાં એસિડિક પ્રોપર્ટી હોય છે જેનાથી દાંત એકદમ ચોખ્ખા થઈ જશે અને દાંત અને પેઢાના રોગો સામે પણ રક્ષણ મળશે.
જે લોકોના દાંત ખૂબ જ પીળા થઈ ગયા છે તેઓએ આંબાના પાન લઈ થોડાં ચાવી લો. પછી તેને જ દાંત પર ઘસો. તેનાથી પણ દાંત સાફ થઈ જશે.