ગરમીની સિઝન શરૂ થઈ ગઈ છે. આ સિઝનમાં સ્કિનની સમસ્યાઓ વધતી જાય છે. સનબર્ન, સ્કિન પર લાલ ચકામા, ખંજવાળ, ખીલ, પરસેવાને કારણે અળાઈની સમસ્યાઓ વધી જાય છે. ચાલો જાણીએ શું કરવું.
ઉનાળામાં સ્કિનની રાખો ખાસ કાળજી
ઘરે રહીને આ આહાર લેવાથી સ્કિન બનશે હેલ્ધી
કોરોનામાં સ્કિનની સમસ્યાઓથી બચવા કરો આ કામ
સ્કિનને હેલ્ધી રાખવા માટે અમે ઘણી બધી ટિપ્સ અજમાવતા હશો. જેમાં ઘરેલૂ ઉપાયો, ઘરેલૂ પેસ્ટ અને નેચરલ ફેસપેક સામેલ હશે. પણ માત્ર આ બધું કરી લેવું પૂરતું નથી. જો સ્કિનને હેલ્ધી અને ગોરી બનાવવી હોય તો રોજિંદા આહારમાં કેટલાક ખાસ પ્રકારના ખોરાક પણ લેવા જરૂરી છે. હવે ઉનાળાની શરૂઆત થઈ ગઈ છે એવામાં સ્કિનને હેલ્ધી અને ગ્લોઈંગ બનાવવા માટે જરૂરી છે કે તમે અહીં જણાવેલી વસ્તુઓ પણ ખાઓ.
દ્રાક્ષ ખાઓ
દ્રાક્ષ તમારી સ્કિનને વધુ ગ્લોઈંગ બનાવે છે તેમજ ખીલની સમસ્યા દૂર થશે. તે ખીલના ડાઘા પણ દૂર કરે છે અને તમારી સ્કિન ટોન એટલે કે રંગ પણ નિખારે છે. જેથી ઉનાળામાં રોજ થોડી દ્રાક્ષ ખાઓ. તે શરીરને ઠંડક પણ આપે છે.
પપૈયું
જો તમને પપૈયું પસંદ ન હોય તો તમે તમારી સ્કિનને હેલ્ધી રાખવાર વસ્તુથી દૂર છો, કારણ કે તેમાં વિટામિન એ અને સીનું પ્રમાણ ભરપુર હોય છે, તે તમારી ડેડ સ્કિન દૂર કરવા માટે સ્ક્રબનું કામ કરે છે. જો તમે દરરોજ તમારા ચહેરા પર પપૈયાથી મસાજ કરશો ચોક્કસથી 20 દિવસમાં તમારા ચહેરાની રંગત બદલાઈ જશે. ઉનાળામાં સ્કિનને હેલ્ધી રાખવા માટે તમે પપૈયાનો પલ્પ ફેસ પર લગાવી શકો છો.
સ્ટ્રોબેરી
સ્ટ્રોબેરી તમારી સ્કિન માટે સૌથી ઉત્તમ માનવામાં આવે છે. તેમાં વિટામિન સી સારી માત્રામાં હોય છે, તે તમારી સ્કિનને હેલ્ધી રાખે છે. તેને ફ્રેશ બનાવે છે એટલે કે સ્કિનને જરૂરી એવું એન્ટિઓક્સિડેન્ટ તેમાંથી મળી રહે છે. જેથી ઉનાળામાં સ્ટ્રોબેરીનું સેવન કરવું.
કેળા
ફાઈબર, વિટામિન બી1, બી2 અને સીની ભરપુર કેળા ચયાપચયની ક્રિયા વધારે છે તેને કારણે તમારી સ્કિન સંબંધિત સમસ્યા દૂર થાય છે તેમજ ખીલની સમસ્યા દૂર કરી ગ્લોઈંગ સ્કિન બનાવે છે. ઉનાળામાં પણ રોજ એક કેળુ ખાવાનું રાખો.
કાકડી
સ્કિનને હેલ્ધી રાખવા માટે હાઈડ્રેટ રહેવું જરૂરી છે. એવામાં ઉનાળામાં વોટર કન્ટેન્ટ વધુ હોય એવી વસ્તુઓ વઘુ ખાવી જોઈએ. એવી જ એક વસ્તુ છે કાકડી. ન્યૂટ્રિઅન્ટ્સથી ભરપૂર કાકડી આ સિઝનમાં રોજ ખાવી જોઈએ. આ સાથે જ
અડધો કપ કાકડીની પેસ્ટમાં 2-3 ચમચી દૂધ મિક્સ કરી ચહેરા પર લગાવો. 20-30 મિનિટ બાદ ધોઈ લો. સ્કિન ચમકી ઉઠશે.