WC 2019 / જીત પછી વિરાટનું નિવદેન, કહ્યુ- 'રોહિતની આગળ નતમસ્તક'

ટીમ ઇન્ડિયા જીત સાથે શરૂઆત કરવામાં સફળ રહ્યુ છે, જેને મહત્વપૂર્ણ માનવામાં આવે છે. સાઉથ આફ્રિકાએ પહેલા બેટિંગ કરીને 9 વિકેટ ગુમાવીને 227 રન કર્યા, જ્યારે ટીમ ઇન્ડિયાએ રોહિત શર્માની શાનદાર બેટિંગના કારણે 4 વિકેટ ગુમાવીને ટાર્ગેટ પૂરો કર્યો.

કેપ્ટન કોહલીએ મેચ પછી કહ્યુ કે, અમારી પહેલી મેચ માટે લાંબી રાહ જોવી પડી અને તે પછી આ રીતે મેચ રમી. મેચ પડકારજનક હતી. અમારા માટે જીતથી શરૂઆત કરવુ મહત્વપૂર્ણ હતુ. રોહિત સામે નતમસ્તક કરુ છું. આ પ્રોફેશનલ જીત છે.” વિરાટે આગળ કહ્યું કે, “જો ટોસ જીત્યા હોત તો બેટિંગ જ પસંદ કરી હોત. પરિસ્થિતઓ બેટ્સમેનના પક્ષમાં હતી અને સાઉથ આફ્રીકાની 2 હાર પછી આ મેચમાં ઉતરી હતી. જસપ્રીત બુમરાહ હંમેશા અલગ સ્તરની બૉલિંગ કરે છે. બેટ્સમેન હંમેશા તેની સામે દબાણ અનુભવે છે. ચહલે પણ સારી બૉલિંગ કરી.

વિરાટ કોહલીએ જસપ્રીત બુમરાહની પ્રશંસા કરતા કહ્યુ કે, “બુમરાહએ જે રીતે અમલાને આઉટ કર્યો, તે શાનદાર હતું. મે અમલાને આ રીતે સ્લિપમાં કેચ આપીને આઉટ થતા નથી જોયુ. ક્વિટન ડી કૉકની વિકેટ શાનદાર હતી. રોહિતની બેટિંગ ખાસ હતી. ટૉપ 3 બેટ્સમેનમાં કોઇ એક સેન્ચુરી લગાવવી જરૂરી છે.''

સાઉથ આફ્રીકાના કેપ્ટન ફાફ ડુ પ્લેસિસે ભારતીય બોલર્સની પ્રશંસા કરીને કહ્યુ કે, “તેમની (ઈન્ડિયન) બોલિંગ સારી હતી. તેમની પાસે ફાસ્ટર અને સારા સ્પિનર છે. અમે શરૂઆતના ઝટકા પછી કમબેક કર્યુ પણ તેમના સ્પિનર્સ અમારા મિડલ ઓર્ડરને તોડી નાખ્યો. કોઇ બેટ્સમનેને લાંબી ઇનિંગ્સ રમવાની જરૂર હતી. મોટાભાગના બેટ્સમેનનો સ્કોર 30-40 હોય તે સ્વીકાર્ય નથી.'' ડુપ્લેસીએ રોહિતની બેટિંગ અંગે જણાવ્યું કે, “રોહિતનો ભાગ્યએ સાથ આપ્યો અને સેન્ચુરી કરીને પોતાની ટીમને જીતાડી.''

મેન ઑફ ધ મેચ રહ્યો રોહિત:

But it was #TeamIndia's day, their successful chase led by a superb 💯 to @imro45 which included 13 boundaries and a pair of sixes.

Watch the highlights here! 👇 #CWC19 pic.twitter.com/iKt5er9r82

— ICC (@ICC) June 5, 2019

રોહિત શર્માએ અણનમ 122 કર્યા તેના માટે તેને મેન ઓફ ધ મેચ પસંદ કરાયો. તેણે કહ્યુ કે, ''પિચથી બોલર્સને મદદ મળતી હતી અને તેના માટે સાંભળીને બેંટિગ કરી. ''

રોહિતે કહ્યુ કે, “આખી મેચમાં બેટ્સમેનને પિચથી થોડી મદદ મળતી રહી. મે મારા શોર્ટ રમવામાં સમય લીધો અને હું જે શોર્ટ રમવાનું પસંદ કરુ છે તે ના રમ્યો. આ રોહિતની અન્ય ઇનિંગ જેવી ઇનિંગ નહોતી, પણ હું અંત સુધી ટકીને ટીમને લક્ષ્ય સુધી પહોંચાડવા માંગતો હતો.  આ ટીમમાં તમામ બેટ્સમેનોની પોતાની ભૂમિકા છે. અમે 1-2 ખિલાડીઓ પર આધાર ના રાખી શકીએ, આ ટીમની વિશેષતા છે.''