દાંતની માવજત કરવી ખૂબ જ જરૂરી છે, નહીંતર દાંતના રોગો થવા લાગે છે. દાંતમાં સડો લાગે છે, પેઢાના રોગ થાય છે. આજકાલ સૌથી કોમન છે પીળા અને ખરાબ દાંતની સમસ્યા, જી હાં, પાન-મસાલાઓ અને સિગરેટને કારણે મોટાભાગના દાંત યુવાનીમાં જ ખરાબ થવા લાગે છે. જેને સમય રહેતાં ધ્યાન ન આપવામાં આવે તો બ્લીચ કરાવવું પડે છે અને તેનાથી દાંત વધુ ખરાબ થાય છે. આજે અમે તમને એવા આયુર્વેદિક ઉપાય જણાવી રહ્યા છે જેની મદદથી તમારા પીળા દાંત સફેદ થઈ જશે. કેટલાક ઉપાયની અસર તરત જોવા મળી જશે.
દાંત માટે બેસ્ટ છે આ ઉપાય
લીંબુની છાલનો ઉપાય કરશે ગજબ અસર
પીળા દાંત થઈ જશે વ્હાઈટ
લીંબુની છાલમાં એક ચપટી સિંધાલૂણ મીઠું લગાવીને દાંત ઘસો. તેનાથી દાંતની પીળાશ દૂર થઈ જશે. લીંબુમાં વિટામિન સી હોય છે જે આયુર્વેદ મુજબ ગંદકીને સાફ કરે છે એટલે આ દાંત માટે અદભુત મંજન સાબિત થાય છે. તેનાથી પીળા દાંત સફેદ થઈ જાય છે.
અડધી ચમચી હળદર પાઉડરમાં થોડાં ટીપાં પાણી મિક્સ કરીને થીક પેસ્ટ બનાવી દાંત પર લગાવવાથી દાંત સાફ થઈ જાય છે. હળદર ખુદ પીળી હોય છે, પરંતુ દાંતને સફેદ બનાવે છે.
આ સિવાય રોજ રાતે બ્રશ કરવાથી પણ ધીરે ધીરે ખરાબ દાંત અને પીળાશ દૂર થવા લાગે છે. જેથી રોજ રાતે બ્રશ કરીને સૂવાનો નિયમ બનાવવો જોઈએ. આનાથી દાંત ચોખ્ખા રહે છે અને સડો થવાની સંભાવના રહેતી નથી.
જો તમારા દાંત બહુ વધારે પીળા પડી ગયા હોય તો તેના માટે ચપટી લવિંગનો પાઉડર, ચપટી ખાવાનો સોડા, ચપટી મીઠું, ચપટી ફટકડીનો પાઉડર, ચપટી હળદર લઈને બધું બરાબર મિક્સ કરી તમારી આંગળી વડે રોજ આ મિશ્રણ દાંત પર ઘસો. આનાથી તમારા દાંત એકદમ ચોખ્ખા થઈ જશે.