ફાયદાકારક / બચાવો પાર્લરનો ખર્ચ અને ઘરે જ આ વસ્તુ લગાવીને ડાઘ-ધબ્બા અને ડાર્ક સ્કિન પ્રોબ્લેમ કરો દૂર, ફટાફટ કરશે અસર

• ચહેરાની ત્વચા કાળી હોવાના અનેક કારણો હોઈ શકે છે
• આ નુસખાઓ અજમાવો અને બચાવો પાર્લરનો ખર્ચ
• ઘરે જ આ સરળ ઉપાયથી ચહેરાને બનાવો એકદમ ગોર્જિયસ

ચહેરાની ત્વચા કાળી હોવાના અનેક કારણો હોઈ શકે છે જેમ કે સખત તાપમાં બહાર ફરવું, પ્રદૂષણ કે પછી ચહેરાના ડાઘ-ધબ્બા વગેરે. આ બધી સમસ્યાઓ માટે બજારમાં મળતી સ્કિન કેયર પ્રોડક્ટ્સ સંવેદનશીલ ત્વચા માટે બહુ જ હાનિકારક હોય છે જેથી ઘર પર રહેલી કેટલીક પ્રાકૃતિક વસ્તુઓનો ઉપયોગ કરવો કારણ કે તેનાથી કોઈપણ પ્રકારની આડઅસર થતી નથી.

મધ

મધમાં કેટલાક ટીપાં લીંબુના રસના નાખીને તેમાં થોડું દહીં મિક્સ કરવું. ચહેરા પર લગાવી 15 મિનિટ રાખવું. ત્યારબાદ ચહેરો ધોઈ લેવો. આવું કરવાથી ચહેરા પરની ગંદકી તો દૂર થશે જ સાથે ચહેરો ગોરો અને ગ્લોઈંગ પણ બનશે. 

ખાંડનું સ્ક્રબ કરો

ખાંડને લીંબુના રસ સાથે મિક્સ કરીને તેને હળવા હાથે ચહેરા પર ઘસો. આવું નિયમિત કરવાથી ચહેરાની ડેડ સ્કિન દૂર થશે અને ચહેરો સાફ અને ગોરો થઈ જશે. આ ઉપાય તમે રોજ સરળતાથી ઘરે કરી શકો છો.

સારી ઉંઘ લો

તમારે દિવસમાં 8 કલાકની ઉંઘ લેવી બહુ જ જરૂરી છે તેનાથી તમારી ત્વચા સારી રહેશે. પૂરતી ઉંઘ લેવાથી આંખો પરના ડાર્ક સર્કલ દૂર થશે અને સાથે જ પ્રાકૃતિક ગ્લો આવશે અને ચહેરાની કાળાશ દૂર થશે.  

નારિયેળ પાણી

ત્વચામાં નિખાર લાવી ચહેરાનો ગોરો બનાવવા માટે આ એક બેસ્ટ ઉપાય છે. તેના માટે રોજ દિવસમાં બે વાર ચહેરા પર નારિયેળ પાણી લગાવો. આવું કરવાથી ચહેરા પરના ડાઘા અને ધબ્બા દૂર થશે અને ત્વચામાં ગોરાપણું આવશે સાથે જ તમારો ચહેરો ખીલી ઉઠશે.

ગુલાબ જળ

ગુલાબ જળ ચહેરાને ટોન કરીને પોષણ આપે છે. ચહેરાને રૂપાળો બનાવવા માટે 1-1 ચમચી રોઝ વોટર અને મિલ્ક સાથે લગાવો. સારાં પરિણામ માટે રાતે સૂતા પહેલાં આને ચહેરા પર લગાવવું, આ ઉપાયથી ત્વચા ધીરે-ધીરે બ્રાઈટ થતી જશે અને ચહેરાની કાળાશ દૂર થતી જશે. 

ભરપૂર પાણી પીઓ

પાણી શરીરમાં રહેલાં વિષાક્ત પદાર્થોને બહાર કાઢે છે અને ચહેરાને ટાઈટ બનાવીને ત્વચાની કરચલીઓને દૂર કરે છે. આ કારણે ચહેરો ગોરો અને સાફ દેખાય છે.