લોકડાઉનના આ સમયમાં નાની-નાની સમસ્યાઓ માટે હોસ્પિટલ કે દવાખાઓમાં દોડી જવું સ્વાસ્થ્ય માટે હાનિકારક હોઈ શકે છે. જેથી ઘણી તકલીફોનો ઈલાજ પહેલાં તમારે ઘરે જ કરી જોવો જોઈએ. જેમાં ઓરલ હેલ્થનું ધ્યાન ન રાખવાથી દાંત અને પેઢાંના રોગો ખૂબ જ વધી ગયા છે. જેમાં પાયોરિયા, સડો, દુખાવો, પીડા દાંતની સમસ્યાઓ વધુ જોવા મળે છે. જેના માટે ડોક્ટર પાસે જઈને પૈસા ખર્ચ્યા પહેલાં ઘરે જ કેટલાક ઉપાયો કરી લેવા જોઈએ. તો ચાલો જાણી લો.
હિંગને પાણીમાં ઉકાળી તેનાં કોગળા કરવાથી દાંતનો દુઃખાવો મટે છે.
દાંત હાલતા હોય અને દુઃખાવો થતો હોય તો હિંગ દાંતમાં ભરાવવાથી આરામ થાય છે.
સવારે કાળા તલ ખૂબ ચાવીને ખાઈને ઉપર થોડું પાણી પીવાથી દાંત મજબૂત બને છે.
તલનું તેલ હથેળીમાં લઈ આંગળા વડે પેઢા પર ઘસવાથી હાલતા દાંત મજબૂત બને છે.
લીંબુનો રસ દાંતના પેઢા પર ઘસવાથી દાંતમાંથી નીકળતું લોહી બંધ થાય છે.
તલના તેલનો કોગળો મોઢામાં દસ-પંદર મિનિટ ભરી રાખવાથી પાયોરિયા મટે છે અને દાંત મજબૂત બને છે.
સરસિયાના તેલ સાથે મીઠું મેળવીને દાંત ઘસવાથી પાયોરિયા મટે છે.
ફુલાવેલી ફટકડીનો પાઉડર દાંતના પેઢા પર દબાવવાથી દાંતમાંથી નીકળતું લોહી બંધ થાય છે.
દાંતનું પેઢું સુજી ગયું હોય તો મીઠાના ગાંગડાથી તેને ફોડી તેના પર ફુલાવેલી ફટકડીનો પાઉડર લગાડવાથી દુઃખાવો મટે છે.
તેલ, લીંબુનો રસ અને મીઠું મેળવી દાંતે ઘસવાથી દાંતનો દુઃખાવો, દાંતની પીળાશ અને દાંતમાંથી નીકળતું લોહી બંધ થાય છે.
દાંતમાં સડો લાગે તો મીઠાના પાણીના કોગળાં વારંવાર કરવાથી આરામ મળે છે.
કોફીનો ઉકાળો કરી તેના કોગળા કરવાથી દાંતનો સડો અને દાંતનો દુઃખાવો મટે છે.
ડુંગળી ખાવાથી દાંત સફેદ દૂધ જેવા થાય છે.
રોજ સવારે મેથી પાણીમાં પલાળીને નરણે કોઠે ખાવાથી પાયોરિયા મટે છે.
તુલસીનાં પાન ચાવવાથી અને તુલસીનાં પાનનાં ઉકાળાના કોગળા કરવાથી દાંત અને પેઢાં મજબૂત બને છે.
પોલા થઈ ગયેલ અને કોહવાઈ ગયેલા દાંતના પોલાણમાં લવિંગ અને કપૂર અથવા તજ અને હિંગ વાટી દબાવી લેવાથી આરામ મળે છે.
દાંત પીળા પડી ગયા હોય તો પીસેલું મીઠું અને ખાવાનો સોડા મેળવીને દાંતે ઘસવાથી પીળાશ દૂર થાય છે.
જીરાને શેકીને ખાવાથી પાયોરિયાની દુર્ગંધ દૂર થાય છે.