આજકાલ નાની ઉંમરમાં જ મોટાભાગના લોકોને સ્કિન સંબંધી સમસ્યાઓ થતી હોય છે. ઘણાં ઘરેલુ ઉપાય કરવા છતાં ફાયદો થતો નથી. સ્કિન ખરાબ થવા પાછળ ઘણાં કારણો જવાબદાર હોય છે. જેમાં પ્રદૂષણ પણ સ્કિનને નુકસાન પહોંચાડે છે. તેનાથી સ્કિનને પ્રોટેક્ટ કરવી ખૂબ જ જરૂરી છે નહીં તો નાની ઉંમરમાં જ સ્કિન સંબંધી ઘણી સમસ્યાઓ થવા લાગે છે. ચાલો જાણીએ સ્કિનને હેલ્ધી રાખવાના 4 સરળ ઉપાય.
નાની ઉંમરમાં સ્કિન ખરાબ થવા લાગે તો આપો ધ્યાન
આ 4 ઉપાય તમારી સ્કિનને રાખશે હેલ્ધી
નિયમિત આ ઉપાય કરશો તો દેખાશે ફાયદો
ચહેરાની સફાઈ
પોલ્યૂશન, ધૂળ અને ગંદકી સ્કિનના પોર્સમાં જમા થઈ જાય છે અને તેને દૂર કરવા માટે સ્કિનની યોગ્ય સફાઈ બહુ જરૂરી છે. તેના માટે ઘરે જ ફેસ ક્લિન કરવો જરૂરી છે. તેના માટે 1 ચમચી બેસન, 1 ચમચી મુલતાની માટી અને 1 ચમચી ગ્રીન ટીને મિક્સ કરીને તેનો ફેસપેક બનાવી ફેસ પર લગાવો અને હળવા હાથે રબ કરીને ફેસવોશ કરી લો. તમે આની જગ્યાએ ફેસને ક્લિન કરવા માટે કોઈ ફેસવોશનો પણ ઉપયોગ કરી શકો છો.
એક્સફોલિએટ
જો તમે ઈચ્છો છો કે તમારી સ્કિન હમેશાં સોફ્ટ અને સ્મૂધ રહે તો તેના માટે એક્સફોલિએટ કરવું જરૂરી છે. તેનાથી સ્કિન અંદરથી સાફ થઈ જાય છેય તેના માટે અખરોટનો સ્ક્રબ બેસ્ટ છે. તમે ફેસ અને બોડી બંને પર તેનો ઉપયોગ કરી શકો છો. તેના માટે 2 ચમચી અખરોટની છાલના પાઉડરમાં 2 ચમચી ફેસવોશ મિક્સ કરીને તેનાથી સ્ક્રબ કરવું.
ફેશિયલ માસ્ક
સાફ અને મુલાયમ સ્કિન માટે સપ્તાહમાં એકવારક માસ્ક અવશ્ય લગાવવો. તેનાથી સ્કિન નિખરે છે અને સુંદર પણ બને છે. તેના માટે તમે ચણાના લોટમાં હળદર અને મધ મિક્સ કરીને ફેસ પર લગાવી શકો છો.
ડેડ સ્કિન દૂર કરવી
ચહેરાના ડેડ સ્કિન સેલ્સ હટાવવાથી સ્કિન સોફ્ટ અને બ્રાઈટ બને છે. તેના માટે પાર્લરમાં જઈને દર 2 મહિને ક્લિનઅપ કરાવવું.