ઉંમર વધવાની સાથે બોડીમાં હોર્મોનલ ચેન્જિસ, ન્યૂટ્રિશનની કમી, તડકાની અસર, અનહેલ્ધી લાઈફસ્ટાઈલ જેવા ઘણાં કારણોથી સ્કિનના ટેક્સચર અને ફેરનેસ પર ખરાબ અસર પડે છે. એમાંય હવે શિયાળાની શરૂઆત થઈ ગઈ છે. જેની અસરથી સ્કિન ડ્રાય અને રફ થવા લાગે છે. જેથી આજે અમે તમને ફેરનેસ અને હેલ્ધી સ્કિન મેળવવા કેટલાક ઉપાયો જણાવીશું. જેને કરવાથી હેલ્ધી સ્કિન મેળવી શકો છો.
શિયાળામાં રફ અને ડ્રાય સ્કિનને બનાવો મુલાયમ
આમળાનો રસ લગાવવાથી સ્કિન બનશે હેલ્ધી
મૂળામાં સ્કિનને ફેર, ટાઈટ અને બ્રાઈટ બનાવવાના ગુણ રહેલાં છે
ટામેટાં
ટામેટાંમાં રહેલું લાઈકોપિન ટેનિંગ દૂર કરે છે અને ડેડ સેલ્સ હટાવે છે. તેનાથી સ્કિન ફેર અને હેલ્ધી રહે છે. એક ટામેટાંનો રસ કાઢી તેમાં અડધા લીંબુનો રસ મિક્ષ કરીને ચહેરા પર લગાવો. 20 મિનિટ બાદ ધોઈ લો.
આમળા
આમાં ભરપૂર વિટામિન સી અને એન્ટીઓક્સીડેન્ટ્સ હોય છે. જેનાથી સ્કિન હેલ્ધી બને છે અને ગ્લો વધે છે. રાતે સૂતા પહેલાં એક ચમચી આમળાના રસમાં એક ચમચી મધ મિક્ષ કરીને ચહેરા પર લગાવો. સવારે ચહેરો ધોઈ લો.
દહીં
આમાં લેક્ટિક એસિડ હોય છે. જે સ્કિનમાં રહેલી ગંદકી દૂર કરે છે અને પોર્સ ખોલે છે. જેનાથી સ્કિન સાફ થાય છે અને ગોરી બને છે. સૂતા પહેલાં રોજ ચહેરા પર દહીં લગાવો. 15 મિનિટ બાદ ધોઈ લો.
મૂળા
મૂળામાં સ્કિનને ફેર, ટાઈટ અને બ્રાઈટ બનાવવાના ગુણ રહેલાં છે. મૂળાનો રસ ચહેરા પર લગાવી હળવા હાથે મસાજ કરો. 15 મિનિટ બાદ ધોઈ લો.
ઓરેન્જ
ઓરેન્જમાં સિટ્રિક એસિડ અને વિટામિન સી હોય છે. જે સ્કિનને બ્લીચ કરે છે અને રંગ ગોરો બનાવે છે. ઓરેન્જની છાલને સૂકવીને તેનો પાઉડર બનાવી એક ચમચી પાઉડરમાં દૂધ મિક્ષ કરી પેસ્ટ બનાવો. ચહેરા અને ગરદન પર લગાવો. સૂકાય ગયા બાદ ધોઈ લો.