કોરોના વાયરસને કારણે હજી પણ ઘણાં લોકો વર્ક ફ્રોમ હોમ જ કરી રહી છે. જેથી એવા લોકોને પહેલાં કરતાં વધુ ડેટા અને સારી સ્પીડની જરૂર પડી છે. આ જ વાતને ધ્યાનમાં રાખીને ટેલિકોમ કંપનીઓ તેના ગ્રાહકો માટે ઘણાં રિચાર્જ પ્લાન્સ લઈને આવી છે. જેમાં ઓછી કિંમતમાં વધુ ડેટા સહિત અન્ય લાભ પણ મળે છે. ચાલો જાણી લઈએ.
ટેલિકોમ કંપનીઓ લાવી બેસ્ટ પ્લાન
ઓછી કિંમતમાં મેળવા વધુ ડેટા
આ સસ્તા પ્લાન્સ વર્ક ફ્રોમ હોમ માટે છે બેસ્ટ
જિયોનો 401 રૂપિયાનો નવો પ્રીપેડ પ્લાન
હાલમાં જ રિલાયન્સ જિયોએ તેનો નવો 401 રૂપિયાનો પ્રીપેડ પ્લાન લોન્ચ કર્યો છે. આ પ્લાનની વેલિડિટી 28 દિવસની છે. આ પ્લાનમાં રોજ 100 એસએમએસની સુવિધા મળે છે. સાથે જ આ પ્લાનમાં રોજ 3 જીબી ડેટાની સાથે 6 જીબી એક્સ્ટ્રા ડેટા પણ ઓફર કરવામાં આવી રહ્યું છે. એટલે કે આ પ્લાનમાં કુલ 90 જીબી ડેટા મળે છે. આ પ્લાનમાં જિયો નેટવર્ક પર ફ્રી કોલિંગ અને નોન જિયો માટે 1000 મિનિટ્સ મળે છે. કંપનીના આ પ્લાનની સાથે જિયો એપ્સનું ફ્રી સબ્સ્ક્રીપ્શન પણ મળે છે.
એરટેલનો 398 રૂપિયાનો પ્રીપેડ પ્લાન
એરટેલના આ પ્લાનની વેલિડિટી 28 દિવસની છે. આ પ્લાનમાં રોજ 100 એસએમએસની સુવિધા મળે છે. સાથે જ આ પ્લાનમાં રોજ 3 જીબી સુધી ડેટા પણ મળે છે. એટલું જ નહીં આ પ્લાનમાં કોઈપણ નેટવર્ક માટે અનલિમિટેડ કોલિંગની સુવિધા પણ મળે છે. આ સિવાય ગ્રાહકો માટે આ પ્લાનમાં એરટેલ એક્સટ્રીમ પ્રીમિયમ, ઝી5 અને વિંક મ્યુઝિકનું ફ્રી સબસ્ક્રિપ્શન મળે છે.
વોડાફોનનો 299 રૂપિયાનો પ્રીપેડ પ્લાન
વોડાફોન તેના ગ્રાહકોને આ પ્લાનમાં ડબલ ડેટા ઓફર કરી રહી છે. કંપની તેના 299 રૂપિયાના પ્રીપેડ પ્લાનમાં 2GB+2GB ડેટા ઓફર કરી રહી છે. આ સિવાય આ પ્લાનમાં રોજ 100 એસએમએસની પણ સુવિધા મળે છે. સાથે આ પ્લાનમાં કોઈપણ નેટવર્ક માટે અનલિમિટેડ કોલિંગની સુવિધા પણ મળે છે. આ પ્લાનની વેલિડિટી 28 દિવસની છે અને આમાં વોડાફોન પ્લે અને ઝી5નું ફ્રી સબ્સ્ક્રીપ્શન મળે છે.