Jio, Airtel અને Vi ગ્રાહકોને આકર્ષિત કરવા માટે નવા નવા સસ્તા પ્લાન ઓફર કરે છે. આજે અમે તમને આ ત્રણેય ટેલિકોમ કંપનીના 250 રૂપિયાથી ઓછી કિંમતના બેસ્ટ પ્લાન વિશે જણાવીશું.
Jio, Airtel, Viના ગ્રાહકો માટે બેસ્ટ પ્લાન
250 રૂપિયાથી ઓછી કિંમતમાં મેળવો ધાંસૂ સુવિધાઓ
Jio, Airtel, Vi ઓફર કરે છે જોરદાર પ્લાન
રિલાયન્સ જિયોના 250 રૂપિયાથી ઓછી કિંમતના પ્લાન
રિલાયન્સ જિયો પાસે 250 રૂપિયાથી ઓછી કિંમતના બે પ્લાન છે, 199 અને 249 રૂપિયા. સૌથી પહેલાં જિયોના 199 રૂપિયાના પ્લાનની વાત કરીએ. આ પ્લાનની વેલિડિટી 28 દિવસની છે. આમાં દરરોજ 1.5 જીબી ડેટા મળે છે. આ રીતે કુલ 42 જીબી ડેટા મળે છે. આ પ્લાનમાં તમે કોઈપણ નેટવર્ક પર ફ્રી કોલિંગ કરી શકો છો. આ સિવાય ગ્રાહકોને દરરોજ 100 SMS અને Jio એપ્સનું મફત સબ્સ્ક્રિપ્શન મળે છે. બીજી બાજુ, જિયોના 249 રૂપિયાના પ્લાન દરરોજ 2 જીબી ડેટા મળે છે. જિયોના 249 રૂપિયાના પ્લાનમાં 28 દિવસની વેલિડિટી ઉપલબ્ધ છે. આ રીતે કુલ 56 જીબી ડેટા મળે છે. પ્લાનમાં અનલિમિટેડ કોલિંગ, દરરોજ 100 SMS અને Jio એપ્સનું ફ્રી સબ્સ્ક્રિપ્શન આપવામાં આવે છે.
વોડાફોનના 250 રૂપિયાથી ઓછી કિંમતના પ્લાન
વોડાફોન આઈડિયા 249 રૂપિયાના પ્લાનમાં રોજ 1.5GB ડેટા મળે છે. તેની વેલિડિટી 28 દિવસ છે. પ્લાનમાં અનલિમિટેડ કોલિંગ આપવામાં આવે છે. આ સિવાય પ્લાનમાં દરરોજ 100 એસએમએસ પણ મળે છે. આ પ્લાનમાં મનોરંજન માટે તમને વી મૂવીઝ અને ટીવીનું એક્સેસ મળે છે. આ સિવાય વોડાફોન આઈડિયા પાસે 199 રૂપિયાનો પ્લાન છે, જે અંતર્ગત દરરોજ 1GB ડેટા મળશે. તેની વેલિડિટી 24 દિવસ છે. પ્લાનમાં અનલિમિટેડ કોલિંગ આપવામાં આવે છે. આ સિવાય પ્લાનમાં દરરોજ 100 એસએમએસ પણ મળે છે. આ પ્લાનમાં મનોરંજન માટે તમને વી મૂવીઝ અને ટીવીનું એક્સેસ મળશે.
એરટેલના 250 રૂપિયાથી ઓછી કિંમતના પ્લાન
એરટેલના 249 રૂપિયાના પ્લાનમાં તમને દરરોજ 1.5GB ડેટા મળશે. આ પ્લાનની વેલિડિટી 28 દિવસની છે. પ્લાનમાં અનલિમિટેડ કોલિંગ આપવામાં આવે છે. આમાં તમને દરરોજ 100 SMS પણ મળશે. આ ઉપરાંત ઘરે મનોરંજન માટે તમે એરટેલ એક્સસ્ટ્રીમ પર મફતમાં વિડીયો જોઈ શકશો અને વિંક મ્યુઝિક પર મફતમાં ગીતો ડાઉનલોડ કરી શકશો. બીજી બાજુ, એરટેલના 199 રૂપિયાના પ્લાનમાં તમને દરરોજ 1GB ડેટા મળશે. આ પ્લાનની વેલિડિટી 24 દિવસ છે. પ્લાનમાં અનલિમિટેડ કોલિંગ મળે છે. આમાં તમને દરરોજ 100 SMS મળશે. આ ઉપરાંત ઘરે મનોરંજન માટે તમે એરટેલ એક્સસ્ટ્રીમ પર મફતમાં વિડીયો જોઈ શકશો અને વિંક મ્યુઝિક પર મફતમાં ગીતો ડાઉનલોડ કરી શકશો.