પીરિયડ્સ દરમ્યાન દરેક મહિલાને કોઈને કોઈ પ્રોબ્લેમ થતી જ હોય છે. કોઈ મહિલાને પીરિયડ્સ દરમ્યાન કેવી સમસ્યાઓ થાય છે તે તેના શરીરનું સ્ટ્રક્ચર, હોર્મોન્સ, જિનેટિક પ્રોબ્લેમ, લાઈફસ્ટાઈલ, કોઈ બીમારી જેવી બાબતો પર આધાર રાખે છે. જેથી આજે અમે એવી સરળ ટિપ્સ અને હેક્સ જણાવીશું જે મહિલાઓને આ સમય દરમ્યાન કામ આવશે અને રાહત પણ આપશે.
પીરિયડ્સ દરમ્યાન આરામ છે જરૂરી
શું ખાઓ છો તેના પર રાખો ધ્યાન
ડાર્ક ચોકલેટ થશે હેલ્પફુલ
પીરિયડ્સ દરમ્યાન સ્નેક્સ પર ધ્યાન આપો
જો પીરિયડ્સ દરમ્યાન તમને ક્રેવિંગ થાય છે, તો પહેલાંથી જ ઘરમાં લો કેલરી સ્નેક્સ રાખો. જેથી વધુ કેલરી ઈનટેક ન થાય અને તમારી ક્રેવિંગ પણ શાંત થઈ જાય. તમે પીરિયડ્સ દરમ્યાન ડ્રાઈફ્રૂટ્સ પણ ખાઈ શકો છો. તેનાથી ક્રેવિંગ તો શાંત થશે જ, સાથે બોડીને પોષણ મળશે અને ભૂખ પણ કંટ્રોલ થશે. આ સમય દરમ્યાન હેલ્ધી સ્નેકિંગ કરવાથી શરીરને નુકસાનથી બચાવી શકાય છે.
કોઈ જ કસરત ન કરી શકતા હો તો વૉક અવશ્ય કરો
મોટાભાગની મહિલાઓને પીરિયડ્સ દરમ્યાન આરામ કરવાનું પસંદલ હોય છે. પણ પીરિયડ્સ દરમ્યાન થતાં પેટ અને કમરના દુખાવાને ઓછો કરવા માટે થોડી ગણી એક્સરસાઈઝ જરૂરી છે. જેના માટે તમે વૉક પણ કરી શકો છો. તેનાથી શરીરમાં એન્ડોર્ફિનની માત્રાને વધારે છે, જેનાથી શરીરમાં દુખાવો પેદા કરનાર હોર્મોન્સમાં કમી આવે છે.
પર્યાપ્ત ઊંઘ ખૂબ જ જરૂરી છે
આમ તો હેલ્ધી રહેવા માટે દરેકે પર્યાપ્ત માત્રામાં ઊંઘ લેવી જોઈએ. પરંતુ પીરિયડ્સ દરમ્યાન મહિલાઓએ વધુ આરામ કરવો જોઈએ. જેનાથી શરીર પર સારી અસર થાય છે અને પેટ અને કમરના દુખાવામાં પણ આરામ મળે છે, સાથે જ મૂડ સારો રહે છે.
ડાર્ક ચોકલેટ ખાવી ન ભૂલતા
પીરિયડ્સ દરમ્યાન મહિલાઓ માટે ડાર્ક ચોકલેટ ખૂબ જ મદદરૂપ સાબિત થાય છે. તેના માટે મહિલાઓએ લગભગ 65 ટકા કોકોવાળી ચોકલેટ ખાવી, જેમાં મેગ્નેશિયમ વધુ હોય છે. તેનાથી ક્રેમ્પ્સમાં પણ રાહત મળે છે.
ટાઇટ કપડાં પહેરવા નહીં
ભલે ને ગમે તેવી જરૂર હોય પરંતુ પીરિયડ્સ દરમ્યાન ટાઈટ કપડા પહેરવા નહીં. સ્ટાઈલિશ અને ટાઈટ કપડાં આ સમય દરમ્યાન પહેરવાથી પેટ ડિસ્કમ્ફર્ટ ફીલ થાય છે અને જો પેટમાં બ્લોટિંગ થયું હોય તો ખરાબ દેખાય છે. જેથી સમયે મહિલાઓએ હમેશાં ઢીલા અને કમ્ફર્ટેબલ કપડા પહેરવા જોઇએ.
વધુ માત્રામાં કોફી પીવાનું ટાળવું
કોફીમાં કેફી વધુ પ્રમાણમાં હોય છે. જેથી જો તમને કોફી બહુ જ પસંદ હોય તો પણ આ સમયે કોફી પીવાનું ટાળવું, કારણ કે તેનાથી ક્રેમ્પ્સની સમસ્યા વધી શકે છે અને કોફીને કારણે ઊંઘ પર ડિસ્ટર્બ થઈ શકે છે. આ સિવાય વધુ કોફી પીવાથી બ્લોટિંગનો પ્રોબ્લેમ પણ થઈ શકે છે.