શરીરના અંગોને યોગ્ય રીતે કાર્ય કરવા માટે અને રોગ પ્રતિકારક ક્ષમતા વધારવા માટે કેટલાક સપ્લીમેન્ટ્સ બહુ જ જરૂરી હોય છે. કેટલીકવાર આપણને નિયમિત આહારમાં જરૂરી પોષક તત્વો મળતાં નથી અને એટલે જ આ પોષક તત્વોની કમીને કારણે અનેક પ્રકારની બીમારીઓ શરીરમાં પ્રવેશે છે. એમાંય પુરૂષોને તો આખો દિવસ ઘરની બહાર રહેવાનું હોય છે એવામાં જરૂરી પોષક તત્વો એ લોકોને મળી રહેતાં નથી. જેથી પુરૂષોએ તેમના ખાનપાન અને ન્યૂટ્રિઅન્ટ્સ પર ખાસ ધ્યાન રાખવું જોઈએ. આજે અમે પુરૂષો માટે જરૂરી એવા સપ્લીમેન્ટ્સ વિશે જણાવીશું.
પુરૂષો સ્વાસ્થ્ય પર પૂરતું ધ્યાન આપતા નથી
પુરૂષોની બેદરકારીને કારણે રોગોના શિકાર બને છે
પુરૂષોએ લેવા જોઈએ આ સપ્લીમેન્ટ્સ
વિટામિન ડી
આ વાત તો બધાં જાણે જ છે કે હાંડકાઓને મજબૂત રાખવા માટે વિટામિન ડી બહુ જ જરૂરી હોય છે. શરીરમાં પૂરતું વિટામિન ડી હાડકાઓને તથા સ્નાયુઓને મજબૂત રાખવા સિવાય ઈમ્યૂનિટી વધારવામાં, ડાયાબિટીસ, હૃદયની ગંભીર તકલીફો તથા કેન્સર જેવી બીમારીઓને રોકવા માટે ઉપયોગી હોય છે. આનો સૌથી સારો સ્રોત સૂર્યના કિરણો છે. આ સિવાય કૉડ લીવર ઓઇલ, ઈંડા અને ફેટી ફિશમાં પણ આની માત્રા ભરપૂર હોય છે. દૂધમાંથી પણ વિટામિન ડી મળી રહે છે.
ઓમેગા-3 ફેટી એસિડ
પુરૂષો માટે ઓમેગા 3 ફેટી એસિડ અત્યંત જરૂરી સપ્લીમેન્ટ છે. આ પુરૂષોના દિલ અને મગજને મજબૂત રાખે છે. આ સિવાય ઓમેગા 3 ફેટી એસિડ ધમનીઓને નુકસાન થતાં બચાવે છે. આ સપ્લીમેન્ટ ફિશમાંથી મળી રહે છે. આ સિવાય અળસીના બીજમાં પણ ઓમેગા-3 ફેટી એસિડ હોય છે.
લાઈકોપીન
લાઈકોપીન એક પ્રાકૃતિક એન્ટીઓક્સીડેન્ટનો બહુ જ સારો સ્ત્રોત માનવામાં આવે છે જે અને જીવલેણ બીમારીઓ સામે રક્ષણ કરે છે. લાઈકોપીન લોહીના પરિભ્રમણની ક્રિયાને સુધારે છે. જેના કારણે પ્રોટેસ્ટ કેન્સર થવાના ખતરાને ઘટાડે છે. તો કેટલાક ખોરાક લેવાથી લાઈકોપીનની કમીને દૂર કરી શકાય છે. જેમાં લાઈકોપીનનો સૌથી સારો સ્ત્રોત ટામેટાં છે. સાથે જ તરબૂચ અને પપૈયામાંથી પણ લાઈકોપીન મળી રહે છે. પુરૂષોએ રોજની ડાયટમાં લાઈકોપીન રિચ ફૂડ્સ ખાવા જોઈએ.
પ્રોબાયોટિક્સ
આ એક પ્રકારની બેક્ટેરિયા હોય છે જે આપણાં આંતરડામાં જોવા મળે છે પરંતુ શરીર માટે આ બેક્ટેરિયા બહુ જ જરૂરી હોય છે. આ બેક્ટેરિયા શરીરની રોગપ્રતિરકારક ક્ષમતાને મજબૂત બનાવે છે અને પાચન સંબંધી સમસ્યાઓને પણ દૂર કરે છે. આ સપ્લીમેન્ટ દૂધ અને સોયામાં ભરપૂર પ્રમાણમાં મળી રહે છે.
ફોલિક એસિડ
ફોલિક એસિડ માત્ર મહિલાઓ માટે જ નહીં પરંતુ પુરૂષો માટે પણ ખૂબ જ જરૂરી છે. નાથી તેમની સ્પર્મની સંખ્યા વધે છે અને આ પ્રજનન ક્ષમતાને પણ વધારે છે. ફોલિક એસિડ લીલા પત્તાવાળી શાકભાજી, ગાજર, ડેરી પ્રોડક્ટ્સ, બીન્સ, નટ્સ, રેડ મીટ વગેરેમાંથી ભરપૂર માત્રામાં મળી રહે છે.