બેસ્ટ ટિપ્સ / ચહેરા પર આ નેચરલ વસ્તુઓથી કરો મસાજ, ડાર્ક સ્કિન, ખીલ, એક્ને સહિત બધી જ પ્રોબ્લેમ થશે દૂર, બેસ્ટ છે આ 5 ઉપાય

• સ્કિન માટે બેસ્ટ આયુર્વેદિક ટિપ્સ
• આ ખાસ નેચરલ વસ્તુઓ ચહેરાની ચમક વધારી દેશે
• પાર્લર ન જવું હોય તો આ ટિપ્સ નોંધી લો

કેટલીક નેચરલ વસ્તુઓ ફેસ પર લગાવવાથી કરચલીઓ અને સ્કિનની અન્ય પ્રોબ્લેમ્સ દૂર રહે છે. તમને ડાર્ક સ્કિન, ખીલ, એક્ને, કરચલીઓ વગેરેની સમસ્યા હોય તો આ ટિપ્સથી સ્કિનને હેલ્ધી, ગ્લોઈંગ બનાવી શકાય છે. આ ઉપાયો બધાં જ માટે ઉપયોગી છે અને સ્કિનની તમામ સમસ્યાઓ ઝડપથી દૂર કરી દેશે. 

ફળોથી ચહેરા પર મસાજ 

તાજા ફળોથી ચહેરા પર મસાજ કરો. આનાથી કરચલીઓ સામે રક્ષણ મળે છે. શુષ્ક સ્કિન માટે કેળાનો, ઓઈલી સ્કિન માટે સિટ્રસ ફળો જેમ સંતરા, મોસંબી, બેજાન સ્કિન માટે સ્ટ્રોબેરી અને પિગમેન્ટેશન માટે પપૈયાનો ઉપયોગ કરો. 

જવનો લોટ અને મધ

ડેડ સ્કિન દૂર કરવા અને સ્કિનને કોમળ બનાવવા માટે 1 ચમચી જવના લોટમાં 1 ચમચી મધ મિક્સ કરો. તેને ચહેરા પર લગાવીને 15 મિનિટ પછી ચહેરો ઠંડા પાણીથી ધોઈ લો.

કાકડી, લીંબુનો રસ અને મધને મિક્સ કરીને લગાવો

એક ચમચી કાકડીનો રસ, એક ચમચી લીંબુનો રસ, એક ચમચી મધ આ ત્રણેયને મિક્સ કરીને દિવસમાં એકવાર અવશ્ય લગાવો. સૂકાય ગયા બાદ ધોઈ લો. આનાથી ખીલ દૂર થશે, ચહેરો ગોરો થશે અને ગ્લોઈંગ બનશે. 

ગ્રીન ટી

ગ્રીન ટીમાં એન્ટીઓક્સીડેન્ટ હોય છે. જે સ્કિનને હેલ્ધી અને યંગ રાખે છે. તેના માટે 1 કપ પાણીમાં 1 ચમચી ગ્રીન ટીના પાન અથવા ફ્લેવર વિનાની ગ્રીટ ટી બેગ પલાળી તે પાણી ચહેરા પર લગાવો. 10 મિનિટ બાદ ચહેરો પાણીથી ધોઈ લો. 

હળદર અને ચંદન

હળદરમાં એન્ટીસેપ્ટિક પ્રોપર્ટી હોય છે અને ચંદન સ્કિનને ગ્લોઈંગ બનાવવાની સાથે ઠંડક આપે છે અને સ્કિન ટાઈટ રાખે છે. કાચાં દૂધમાં પેસ્ટ બને અને જરૂર હોય તે મુજબ અડધી ચમચી ચંદન પાઉડર અને અડધી ચમચી હળદર પાઉડર મિક્સ કરીને લગાવો. 10 મિનિટ બાદ ચહેરો પાણીથી ધોઈ લો.