આજની આ તાણ ભરેલી જિંદગીમાં સ્વાસ્થ્યનું ધ્યાન રાખવું પણ ઘણું મુશ્કેલીનું કામ થઈ ગયું છે. વધુ પડતા સ્ટ્રેસને કારણે ચહેરો નિસ્તેજ થઈ જાય છે અને પછી આંખોનીચે કાળા કુંડાળા થવા લાગે છે. જો તમે આંખો નીચેના કાળા કુંડાળાને થોડા જ દિવસોમાં ઘરગથ્થુ ઉપાયોથી દૂર કરવા ઇચ્છો છો તો આ ઉપાયો તમારા માટે એકદમ બેસ્ટ છે
આંખોની નીચે ડાર્ક નિશાન એટલે કે કાળા સર્કલ સારા એવા ચહેરાને બરબાદ કરી દે છે. ઘણા લોકોને આ સર્કલ એટલા ડાર્ક હોય છે કે એવું લાગે છે કે તેઓ બિમાર છે. જો તમે પણ આ સમસ્યાનો સામનો કરી રહ્યા છો તો જાણો કેટલાક અસરદાર નુસ્ખા, જેને દરરોજ ઉપયોગ કરવાથી તમે એનાથી છુટકારો મેળવી શકો છો.
ખૂબ જ પાણી પીવો
ઘણી વખત શરીરમાં રહેલા ટોક્સિન્સ પણ આંખોના સોજાને વધારે છે. એટલા માટે જરૂર છે કે દરરોજ 8 થી 10 ગ્લાસ પાણી પીવાની આદત પાડો. એનાથી તમારું પાચનક્રિયા યોગ્ય રહેશે અને ડ્રાય આંખની સમસ્યા પણ થશે નહીં.
ટી બેગ્સ
ટી બેગ્સ આંખોના સોજા દૂર કરવા ઉપયોગી છે. એના માટે એક વાસણમાં પાણી ઉકાળો અને એમાં 2 ટી બેગ્સ મૂકો, જ્યારે આ પાણી ઠંડું થઇ જાય તો ટી બેગ્સને નિકાળીને 3 થી 4 મીનિટ સુધી તમારી આંખો પર રાખો. આંખોની સાથે આ સ્કીન માટે પણ ખૂબ જ ઉપયોગી છે.
ગુલાબ જળ
ગુલાબ જળ તણાવથી ભરેલી અને થાકેલી આંકો માટે એક નેચરલ રિલેક્સિંગ પ્રોસેસનું કામ કરે છે. સાથે જ એના ઉપયોગથી આંખોની નીચેના ડાર્ક સર્કલ પણ ઓછા થાય છે અને સ્કીન મુલાયમ અને આકર્ષક બને છે.
બરફનો ટુકડો
એક સુતરાઉ કપડાં અથવા રૂમાલમાં બરફ રાખો અને હળવા હાથથી એને તમારી આંખ પર રગડો. જો તમે થોડીક સેકન્ડ સુધી બરફને બંધ આંખો પર રાખીને સહન કરી શકો છો તો આવું જ કરો. એનાથી તમેને 2 થી 3 મીનિટમાં અસર જોવા મળશે. આ રીતે ઠંડા દૂધમાં કૉટનને ડૂબાડીને 5 થી 10 મીનિટ સુધી તમારી આંખો પર રાખો. એનાથી ચહેરો ફ્રેશ નજર આવે છે.
કાકડીની સ્લાઇસ
આંખોના કાળા સર્કલને દૂર કરવા માટે કાકડી સારી છે. ઠંડી કાકડીની બે સ્લાઇસ લો અને આંખો પર 25-30 મીનિટ સુધી રાખો, આ સ્લાઇસ આંખો પર રાખીને સૂઇ જાવ, એનાથી પણ ફાયદો થશે.
આ ઉપરાંત તમે બટાકા અને બદામની પેસ્ટની મદદથી પણ તમારી આંખોના ડાર્ક સર્કલને દૂર કરી શકો છો.
બટાકા અને બદામની પેસ્ટ ચહેરા પરથી ડાઘ-ધબ્બા અને ડાર્ક સર્કલ દૂર કરવામાં એકદમ અસરકારક છે. બદામ પલાળીને એની પેસ્ટ બનાવી લો. તેમા અડધી ચમચી બટાકાનો રસ ઉમેરો, એમાં થોડો ચંદન પાઉડર પણ નાખી શકો છો. આ પેસ્ટ ડાર્ક સર્કલ પર લગાવીને અડધો કલાક રહેવા દો. સૂકાઇ જાય એટલે આંખો ઠંડા પાણીથી ધોઇ નાંખો. થોડા દિવસ આ પેસ્ટ લગાવવાથી રિઝલ્ટ મળવા લાગશે.