મહિલાઓ માટે પ્રેગ્નેન્સી દરમિયાનનો અને પ્રેગ્નેન્સી બાદનો સમય ખૂબ જ મહત્વપૂર્ણ હોય છે. જો આ સમયમાં પોતાનું પ્રોપર ધ્યાન રાખવામાં આવે તો મહિલાઓ ઘણી સમસ્યાઓથી બચી શકે છે. પ્રેગ્નેન્સી દરમ્યાન મહિલાઓને મેટરનિટી બેલ્ટ પહેરવાની સલાહ આપવામાં આવે છે કારણ કે તેનાથી બેબી બંપ, પેટ અને કમરને સપોર્ટ મળે છે. જેનાથી દુખાવો અને સોજાની સમસ્યામાં રાહત મળે છે. ચાલો જાણી મેટરનિટી બેલ્ટના ફાયદા.
પ્રેગ્નેન્સી દરમિયાન રાખો વધુ ધ્યાન
આ સમયમાં પહેરો મેટરનિટી બેલ્ટ
એકસાથે ઘણાં ફાયદા મળશે
દર્દમાં રાહત
પ્રેગ્નેન્સી દરમ્યાન મોટાભાગની મહિલાઓને પીઠ, કમર અને સાંધામાં દુખાવો થાય છે. આ કારણથી તે રૂટીન કાર્ય કરવામાં પરેશાની અનુભવે છે. જેમાં મેટરનિટી બેલ્ટ બહુ જ કામ આવે છે, આ દર્દ દૂર કરે છે. પણ એક વાતનું ધ્યાન રાખવું કે નિષ્ણાંતની સલાહ લીધા બાદ જ બેલ્ટ પહેરવું.
પેટ હળવું લાગે છે
બેબી બંપને કારણે ઘણી મહિલાઓને ભારેપણું ફીલ થાય છે. જેના કારણે હરવા-ફરવામાં પરેશાની આવે છે. પણ જો પ્રેગ્નેન્સીમાં આ બેલ્ટ પહેરવામાં આવે તો આ સમસ્યાઓથી બચી શકાય છે અને ગર્ભાશયને પણ સપોર્ટ મળે છે.
રોજિંદા કાર્યો કરવામાં સરળતા
પ્રેગ્નેન્સીમાં નિયમિત હરતાં-ફરતાં રહેવું જરૂરી છે. તેનાથી બીપી, તણાવ અને ડાયાબિટીસ જેવી બીમારીઓ દૂર રહે છે. એવામાં તમારે મેટરનિટી બેલ્ટ અવશ્ય પહેરવું જોઈએ. તેનાથી બોડીમાં થતો દુખાવો અને ડિસ્કમ્ફર્ટ ઓછું થાય છે. જેથી તમે તમારું કામ સરળતાથી કરી શકો છો.
બોડી પોશ્ચરને સુધારે છે
મેટરનિટી બેલ્ટ પહેરવાથી પીઠને સપોર્ટ મળે છે, જેથી બોડી પોશ્ચર યોગ્ય રહે છે. પ્રેગ્નેન્સી દરમ્યાન વજન વધવાથી કરોડરજ્જૂની માસપેશીઓમાં ખેંચાણ આવે છે, જેના કારણે પોશ્ચર બગડવાનું શરૂ થાય છે. જેમાં મેટરનિટી બેલ્ટ આ સમસ્યાથી બચાવે છે.
ડિલીવરી પછી મેટરનિટી બેલ્ટના ફાયદા
ડિલીવરી પછી પણ મેટરનિટી બેલ્ટ પહેરવું જરૂરી છે. તેનાથી પેટ અને પીઠને સપોર્ટ મળે છે અને બહાર નીકળેલું પેટ પણ અંદર જતું રહે છે. તેને પહેરવાથી પેટ ફરી નિયમિત શેપમાં લાવવામાં મદદ મળે છે.
પીઠને મળે છે સપોર્ટ
ડિલીવરી બાદ શિશુને ઉંચકાવાથી કે કોઈ કામ કરવામાં સૌથી વધારે ભાર પીઠ પર આવે છે પણ જો આ સમયે બેલ્ટ પહેરવામાં આવે તો પીઠની માસપેશીઓને સપોર્ટ મળે છે. જેનાથી દુખાવો ઓછો થાય છે અને માસપેશીઓ સ્ટ્રોન્ગ બને છે.
સિઝેરિયનના ઘા ભરવામાં મદદ કરે છે
સિઝેરિયન ડિલીવરી બાદ પેટ પર તેના નિશાન પડી જાય છે. જેને ભરતાં ઘણો સમય લાગી જાય છે. પણ જો રેગ્યુલર બેલ્ટ પહેરવામાં આવે તો તેના ઘા જલ્દી ભરવામાં પણ મદદ મળે છે.
બ્રેસ્ટફીડિંગ બને છે સરળ
સિઝેરિયન ડિલીવરી બાદ મોટાભાગની મહિલાઓને બ્રેસ્ટફીડિંગ કરાવવામાં પરેશાની થાય છે. મેટરનિટી બેલ્ટ પહેરવાથી બેસવામાં અને બેબીને ફીડ કરાવવામાં પીઠનો દુખાવો થતો નથી.