કીટો ડાયટથી વજન ઉતારનારા પણ ફૂડમાં લઈ શકે છે ટેસ્ટી અને હેલ્ધી ચીજો. તો જાણી લો કોબીજ પનીર સૂપની રેસિપી અને કરી લો ટ્રાય
કીટો ડાયટમાં ખૂબ જ લો કાર્બોહાઈડ્રેટ અને હાઇ ફેટ ડાયેટ લેવામાં આવે છે. જેનાથી શરીરને કિટોસીસની સ્થિતિમાં લાવી શકાય છે. આ શરીરની એવી મેટાબોલિક સ્થિતિ છે જેમાં શરીરમાં બ્લડ ગુલ્કોસ (કાર્બોહાઈડ્રેટ)ની જગ્યાએ ફેટના ટુકડા (ketones) ને તોડીને એનર્જીના રૂપમાં ઉપયોગ કરવામાં આવે છે. જ્યારે તમે આખા દિવસમાં ૪૦ ગ્રામથી પણ ઓછો કાર્બોહાઈડ્રેટ ડાયેટમાં લો છો ત્યારે તે શક્ય બને છે.
પનીર સૂપ એક સારું એપિટાઈઝર છે. જેમાં પનીર ક્યૂબ્સની સાથે કોબીજ અને અન્ય કેટલાક મસાલાનો ઉપયોગ કરવામાં આવે છે. આ સૂપને કોઈ પણ ઉંમરની વ્યક્તિને માટે છે. ખાસ કરીને તમે ડાયટિંગ કરો છો અને એમાં પણ કીટો ડાયટ તો આ સૂપ તમારા માટે પરફેક્ટ છે. તમે તેને ઘરે જ બનાવી શકો છો. જાણી લો રેસિપી અને કરી લો ટ્રાય.
સૌ પહેલાં એક પેન લો અને તેમાં તેલ ગરમ કરો. હવે તેમાં રાઈ અને લીમડાના પાનની સાથે આદુ અને લસણને શેકી લો. હવે તેમાં પનીર મિક્સ કરો. પનીર ગોલ્ડન બ્રાઉન થાય એટલે તેમાં પાણી, મીઠું, મરી અને કોબીજ મિક્સ કરી લો. આ બધુ સારી રીતે ઉકળવા દો.
ઢાંકણાથી ઢાંકીને સૂપને 10 મિનિટ માટે ધીમા ગેસ પર ઉકળવા દો. બસ તૈયાર થઈ જશે તમારો પનીર સૂપ. તેને તમે સર્વ કરી શકો છો.