ફાયદાકારક / આ ખાસ વસ્તુ ઘસીને તેનો લેપ લગાવો, ખીલ દૂર કરવાથી લઈને સ્કિનની દરેક સમસ્યા થશે ખતમ

સંતરાની સૂકી છાલને વાટીને દૂધમાં મિક્સ કરી પેસ્ટ બનાવી સ્કિન પર લગાડવાથી ત્વચા ચમકીલી બને છે. આ ઉપરાંત તમે મસૂરની દાળને પલાળી અને વાટીને પણ ચહેરા પર લગાવી શકો છો. ચહેરા પરની કરચલી દૂર કરવા સંતરાની છાલ ઘસવી કે છાલને સૂકવીને તેનો પાવડર બનાવીને પાણી ઉમેરીને લગાવવું.

ખીલથી રાહત મેળવવા માટે દૂધમાં ચણાનો લોટ મિક્સ કરી રાતના સૂતી વખતે ચહેરા પર આ પેસ્ટ લગાડવી. તે સુકાઇ જાય કે પછી 20 મિનિટ બાદ ચહેરો હુંફાળા પાણીથી ધોઇ નાખવો. જેનાથી ત્વચા ચમકીલી બનશે અને ખીલ દૂર થશે.

નારિયેળના પાણીમાં દૂધની મલાઈ મિક્સ કરી ત્વચા પર લગાડવી. ત્વચા પરના ડાઘ-ધબ્બા દૂર થાય છે. ત્વચા કોમળ થાય છે. તાજા દૂધમાં લીંબુનો રસ ભેળવી તેમાં રૂનું પૂમડું ભીંજવી ત્વચા પર ધીરે ધીરે ઘસવું અને હુંફાળા પાણીથી ત્વચા ધોઇ નાખવી. ત્વચા નિખરે છે.

ચંદનને પથ્થર પર ઘસી તે પેસ્ટનો લેપ કરવાથી ત્વચા ચમકીલી થાય છે.

ફૂદીનાનો રસ કાઢી રાતે સૂતી વખતે ચહેરા તથા ગરદન પર લગાવી સવારે હુંફાળા પાણીથી ચહેરો ધોઈ નાખવો. ચહેરા પરની કરચલી તથા ડાઘ-ધાબા દૂર થાય છે. ફૂદીનાનો રસ ખીલ તથા તેના ડાઘ દૂર કરવા વિશેષ ઉપયોગી છે.