શિયાળો આવતા જ સ્કિન અને વાળ પર તેની અસર સૌથી પહેલાં દેખાવા લાગે છે અને સ્કિન અને વાળ પણ ખરાબ થવા લાગે છે. તો શિયાળો શરૂ થતાં જ અહીં જણાવેલ ઉપાય તમે કરશો તો તમારા વાળ અને સ્કિન બંનેની સમસ્યાઓ દૂર રહેશે. ચાલો જાણીએ.
શિયાળામાં વાળ અને સ્કિનને ખરાબ નહીં થવા દે આ 1 વસ્તુ
સાવ સસ્તામાં વાળ અને સ્કિન રહેશે હેલ્ધી
આખી સીઝન નહીં ખર્ચવા પડે મોંઘી પ્રોડક્ટ્સમાં પૈસા
શિયાળો આવતાં જ ઘરમાં લઈ આવો ગ્લિસરીન
શિયાળામાં વાળ અને સ્કિન ડ્રાય, ડલ અને ખરાબ થવા લાગે છે. સાથે જ અન્ય પણ ઘણી સમસ્યાઓ વધી જાય છે. બજારમાં મળતાં મોંઘા પ્રોડક્ટ્સથી પણ સમસ્યાઓ દૂર થતી નથી. જેથી આજે અમે તમને એવા સિરમ વિશે જણાવીશું, જેનો ઉપયોગ તમે તમારી સ્કિન અને વાળ બંને માટે કરી શકશો. સાથે જ સ્કિન અને હેર માટે ગ્લિસરીનનો શિયાળામાં કઈ રીતે ઉપયોગ કરવો તે પણ જણાવીશું.
ગ્લિસરીનના ગજબના ઉપાય
ગ્લિસરીન સ્કિનને સોફ્ટ અને શાઈની બનાવે છે. સાથે જ ડ્રાયનેસ દૂર કરવા માટે પણ તે બેસ્ટ છે. તેમાં રહેલી મોઈશ્ચરાઈઝિંગ પ્રોપર્ટી સ્કિન અને વાળ માટે અસરકારક રીતે કામ કરે છે. તેમાં લીંબુનો રસ અને ગુલાબજળ મિક્સ કરીને ફેસ માટે ફેસ પર લગાવવાથી સ્કિન સોફ્ટ બને છે અને ડાઘ પણ દૂર થાય છે. સિરમ બનાવવા માટે સૌથી પહેલાં 20 એમએલ ગુલાબજળમાં ગ્લિસરીનના 5 ટીપાં નાખો અને પછી તેમાં 1 ચમચી લીંબુનો રસ મિક્સ કરો. આને બોટલમાં ભરીને જ્યારે પણ સ્કિન ડલ અને ડ્રાય લાગે તેનો ઉપયોગ કરો.
આ રીતે બનાવો હેર સિરમ
શિયાળામાં રફ અને ડ્રાય વાળને સોફ્ટ અને મેનેજેબલ બનાવવા માટે ઘરે જ એક નેચરલ સિરમ બનાવીને વાળમાં રોજ લગાવી શકો છો. તેના માટે એક સ્પ્રે બોટલમાં 5 ચમચી ગ્લિસરીન, 10 ચમચી ગુલાબજળ, 2 વિટામિન ઈ કેપ્સૂલ, 2 ચમચી એલોવેરા જેલ નાખીને બરાબર મિક્સ કરી લો. હવે તમે ગમે ત્યારે વાળમાં આ નેચરલ સિરમ લગાવી શકો છો. તમે ફેસ પર પણ આ સ્પ્રે કરી શકો છો. તેનાથી સ્કિન નરિશ થશે અને સ્કિન સોફ્ટ પણ રહેશે.
ગુલાબજળમાં phenylethanol હોય છે. જે એક બેસ્ટ નેચરલ એસ્ટ્રિજેન્ટ છે. આ સ્કિન સંબંધી અન્ય સમસ્યાઓને પણ દૂર કરવામાં મદદ કરે છે. લીંબુ પરફેક્ટ બ્લીચિંગ એજન્ટની જેમ કામ કરે છે અને આ બંને વસ્તુઓ ગ્લિસરીન સાથે મળીને મેજિકલ અસર કરે છે.