ફાયદાકારક / સીઝન બદલાતા શરદી, ખાંસી, ફ્લૂ કે વાયરલ ન થાય તે માટે રોજ ખાઈ લો આ 1 વસ્તુ

• ચોમાસામાં વધી જાય છે શરદી, ખાંસી અને વાયરલ
• ડબલ સીઝનમાં આ ઘરેલૂ ઉપચાર અચૂક અજમાવો
• રોજ આ એક વસ્તુ ખાઈ લેશો તો નહીં થાય કોઈ પ્રોબ્લેમ

હેલ્ધી હોમમેડ લાડુ

આપણી દાદી અને નાની ઘરે લાડુ બનાવતી હતી કારણ કે તે સ્વાસ્થ્ય માટે અનેક રીતે ફાયદાકારક હોય છે. ન્યૂટ્રિશનિસ્ટ રૂજુતા દિવેકર પણ પોલ્યૂશનની ખરાબ અસરથી બચવા હોમમેડ લાડુ ખાવાની સલાહ આપે છે. જેના માટે સૂંઠ, ગોળ અને ઘીને સરખાં પ્રમાણમાં લઈને નાની-નાની લાડુડી બનાવી સવારે અને રાતે 1-1 ખાઈ લેવી. 

ખાસ કરીને કોરોનાના આ સંકટ સમયમાં જે લોકોને ઘરેથી બહાર નીકળવું પડે છે તેમણે ખાઈ લેવી. આને ખાવાથી શરદી, ખાંસી, વાયરલ ઈન્ફેક્શન, ફ્લૂ, બળતરા અને સાયનસમાં પણ રાહત મળે છે. સાથે જ ડાઈજેશન પણ ઈમ્પ્રૂવ થાય છે.

આ સાથે જ અન્ય એક શ્રેષ્ઠ ઉપાય છે હળદરવાળુ દૂધ. જી હાં, અત્યારના કોવિડ ઈન્ફેક્શનમાં ઘરના નાના-મોટા સૌને રોજ રાતે સૂતી વખતે હળદરવાળું દૂધ અચૂક પીવું જોઈએ. તમે તેમાં થોડું કેસર અને ચપટી મરી પાઉડર પણ મિક્સ કરી શકો છો. તમને ના ભાવે તો પણ ઈમ્યૂનિટી વધારવા અને ઈન્ફેક્શનથી બચીને રહેવા માટે આ દૂધ ભૂલ્યા વિના પી લેજો.