વાળને જાડાં અને મજબૂત બનાવવા હોય તો કેટલાક ખાસ હોમમેડ હેર માસ્ક અવશ્ય લગાવવા જોઈએ. તેનાથી વાળની બધી પરેશાનીઓ કંટ્રોલ થઈ જાય છે. જાણો એવા જ 3 માસ્ક વિશે.
વાળની સમસ્યાઓ દૂર કરવા લગાવો હોમમેડ માસ્ક
ડેન્ડ્રફ પર ગજબની અસર કરશે આ માસ્ક
તમારા બેજાન અને ખરતાં વાળની સમસ્યા કરશે દૂર
હેલ્ધી અને મજબૂત વાળ આજકાલ દરેકની જરૂરિયાત બની ગઈ છે, કારણ કે અત્યારે બધાંના વાળ ખરે છે. આ ખરતાં વાળની સમસ્યા કઈ રીતે દૂર કરવી તેના માટે લોકો અનેક ઉપાયો પણ કરતાં હોય છે જેમાંથી કેટલાક અસર કરે છે અને કેટલાક અસર નથી કરતાં. જેથી આજે અમે તમને મજબૂત, લાંબા અને ભરાવદાર વાળ માટે એવા 3 બેસ્ટ ઓવરનાઈટ હેર માસ્ક જણાવીશું, જે ચોક્કસથી અસર દેખાડશે.
ડેન્ડ્રફ માટે
જો તમને પુષ્કળ ડેન્ડ્રફ, ફંગલ ઈન્ફેક્શન થતો હોય તો, 2 ચમચી નારિયેળ તેલમાં 2 ચમચી દહીં અને 1 વિટામિન ઈની કેપ્સૂલ મિક્સ કરીને વાળમાં લગાવી દો. પછી વાળમાં 10 મિનિટ મસાજ કરી શાવર કેપ પહેરીને સૂઈ જાઓ. સવારે ઉઠીને હેર વોશ કરી લો. સપ્તાહમાં બેવાર આ ઉપાય કરશો તો ડેન્ડ્રફ ફરી પાછો નહીં થાય.
ડેમેજ અને ખરતા વાળ માટે માસ્ક
2 ચમચી એલોવેરા, 2 ચમચી ઓલિવ ઓઈલ અને 2 ઈંડાની જર્દી મિક્સ કરીને વાળના મૂળમાં લગાવી દો. પછી વાળમાં 10 મિનિટ મસાજ કરી શાવર કેપ પહેરીને સૂઈ જાઓ. સવારે ઉઠીને હેર વોશ કરી લો. આ માસ્ક વાળ ખરવાની, નબળાં વાળની સમસ્યા દૂર કરશે.
વાળને શાઈની બનાવવા
1 કેળામાં 2 ચમચી દીવેલ અને થોડી બીયર મિક્સ કરીને વાળના મૂળમાં લગાવી દો. પછી વાળમાં 10 મિનિટ મસાજ કરી શાવર કેપ પહેરીને સૂઈ જાઓ. સવારે ઉઠીને હેર વોશ કરી લો. આનાથી વાળ શાઈની અને હેલ્ધી બનશે.