ઉનાળો હવે શરૂ થઈ ગયો છે. આ સીઝનમાં સૌથી વધારે ચિંતા સ્કિન ટેનિંગની થાય છે. જેથી મોટાભાગની યુવતીઓ મોંઘી સનસ્ક્રીન લગાવે છે. સનસ્ક્રીન લગાવવી જરૂરી છે પરંતુ જો તમે ઉનાળાના કેટલાક સ્પેશિયલ ફેસપેક પણ લગાવશો તો તમને ટેનિંગ નહીં થાય અને સ્કિન ફ્રેશ લાગશે. ચાલો જાણીએ.
ઉનાળા માટે બેસ્ટ છે આ ફેસપેક
તડકામાં થતી ટેનિંગથી બચાવશે
બધાંએ લગાવવા જોઈએ આ ખાસ ફેસપેક
ઓટ્સ અને મધ
1 ચમચી ઓટ્સનો પાઉડર, 1 ચમચી મધ અને 1 ચમચી દહીંને મિક્સ કરીને ચહેરા પર લગાવી સ્ક્રબ કરી લો. 20 મિનિટ રાખ્યા બાદ ફેસવોશ કરી લો. આનાથી ડાઘ-ધબ્બા અને ટેનિંગ દૂર રહેશે.
ઓટ્સ અને કેરી
આ ફેસપેક ડેડ સ્કિનને દૂર કરીને સ્કિનને ફ્રેશ અને ગ્લોઈંગ બનાવે છે. તેના માટે પાકેલી કેરીનો 1 ચમચી પલ્પ, 2 બદામનો પાઉડર, 1 ચમચી દલિયા પાઉડર અને 2 ચમચી કાચું દૂધ મિક્સ કરીને પેસ્ટ બનાવી ફેસ પર લગાવો. 10 મિનિટ રાખીને સ્ક્રબ કરતાં પાણીથી ફેસવોશ કરી લો.
ઓટ્સ અને એલોવેરા
ઓટ્સ એક બેસ્ટ સ્ક્રબરનું કામ કરે છે. આ સ્કિનમાં રહેલાં ડેડ સેલ્સ સરળતાથી દૂર કરી દે છે. એલોવેરા સ્કિનને ઠંડક પહોંચાડવાની સાથે ટેનિંગ અને ઈન્ફેક્શનથી પણ બચાવે છે. 2 ચમચી એલોવેરામાં 1 ચમચી ઓટમીલ પાઉડર મિક્સ કરી ચહેરા પર લગાવી હળવા હાથે સ્ક્રબ કરો. પછી 15 મિનિટ પછી ધોઈ લો.