હેલ્થ ડેસ્ક: શિયાળામાં સ્કિનની સમસ્યાઓ ખૂબ જ વધી જાય છે. પણ તેને દૂર કરવા માટે ઘરેલૂ ઉપાય અજમાવવા જોઈએ. પણ મોટાભાગની છોકરીઓને કન્ફ્યૂઝન હોય છે કે તેમની સ્કિપ ટાઈપ માટે કયું ફેસપેક બેસ્ટ છે. જેથી આજે અમે તમને શિયાળામાં ખાસ ઉપયોગ થતાં ફેસપેક વિશે જણાવી રહ્યાં છે જે દરેક પ્રકારની સ્કિન માટે બેસ્ટ રિઝલ્ટ આપશે. તો ચાલો જાણી લો.
શિયાળા માટે ખાસ છે આ ફેસપેક
સ્કિનને બનાવશે એકદમ મુલાયમ અને શાઈની
ઘરમાં જ રહેલી વસ્તુઓથી મેળવો હેલ્ધી સ્કિન
મધ અને દૂધનો ઉપાય
શિયાળામાં મધ અને દૂધનું કોમ્બિનેશન સ્કિનને સુંવાળી અને હેલ્ધી રાખવામાં મદદ કરે છે. તેના ઉપયોગ માટે 1 ચમચી મધ અને 2 ચમચી દૂધને મિક્સ કરીને ફેસ પર લગાવો. 5 મિનિટ રાખી નવશેકા પાણીથી ધોઈ લો. આનાથી ફેસ મુલાયમ થશે.
કેળા અને ઓલિવ ઓઈલ
શિયાળામાં ચહેરાની સ્કિન ડલ અને રફ થઈ જતી હોય છે. તેનાથી બચવા માટે 3-4 કેળાની સ્લાઈઝ મેશ કરીને તેમાં 1 ચમચી ઓલિવ ઓઈલ નાખીને મિક્સ કરી ફેસ પર લગાવો. 10 મિનિટ બાદ પાણીથી ધોઈ લો. ચહેરાનો ગ્લો વધશે.
ગ્લિસરીન, એલોવેરા જેલ અને રોઝ વોટર
ચહેરા પર ગ્લો લાવવા માટે આ એક બેસ્ટ ફેસપેક છે. તેના ઉપયોગ માટે 1 ચમચી એલોવેરા જેલ, 1 ચમચી ગ્લિસરીનમાં 1 ચમચી ગુલાબજળ મિક્સ કરીને ચહેરા પર લગાવો. રોજ રાતે લગાવવાથી ચહેરાની સ્કિન એકદમ સોફ્ટ બનશે. સાથે જ ચહેરાનો ગ્લો પણ વધશે.
મધ, પપૈયું અને મિલ્ક
આ ફેસપેક શિયાળામાં સ્કિનમાં ગજબનો નિખાર લાવે છે. તેના ઉપયોગ માટે પપૈયાના 2 ટુકડા મેશ કરીને તેમાં 1 ચમચી દૂધ અને 1 ચમચી મધ નાખી મિક્સ કરી લો. તેને 10 મિનિટ ફેસ પર લગાવી રાખો. પછી ચહેરો ધોઈ લો. આનાથી સ્કિન સોફ્ટ અને શાઈની બનશે.
દહીં, હળદર અને બેસન
આ ફેસપેક બહુ જ ફાયદાકારક છે. શિયાળામાં સ્કિનને ક્લિન કરે છે અને નિખાર લાગે છે અને સ્કિનને હેલ્ધી પણ બનાવે છે. તેના માટે 1 ચમચી બેસનમાં 1 ચમચી દહીં અને અડધી ચમચી હળદર મિક્સ કરીને ફેસ પર 20 મિનિટ લગાવો. પછી ધોઈ લો. તમારી સ્કિન વધુ ડ્રાય રહેતી હોય તો તમે આ પેકમાં 1 ચમચી મધ પણ મિક્સ કરી શકો છો.