અસરકારક / ચહેરા પર કરચલીઓ થતાં રોકવી હોય તો નિયમિત આ 3 વસ્તુ મિક્સ કરીને લગાવો, સ્કિન રહેશે ટાઈટ

આ વસ્તુઓ જોઈશે

• 1 ચમચી મુલ્તાની માટી
• 1 ચમચી ગુલાબજળ
• અડધી ચમચી મધ

પેક બનાવવાની રીત

સૌથી પહેલાં એક બાઉલ લઈને તેમાં મુલ્તાની માટી, ગુલાબજળ અને મધ મિક્સ કરી દો. પછી આ પેસ્ટ વધુ પાતળી થઈ જાય તો તેમાં થોડી મુલ્તાની માટી ઉમેરી દો. ત્યારબાદ આ પેસ્ટને 10-15 મિનિટ માટે એક બાજુ મૂકી દો. 

ઉપયોગ કરવાની રીત

સૌથી પહેલાં ચહેરો ફેસવોશથી વોશ કરી લો. પછી આ પેસ્ટ ચહેરા પર લગાવીને 2-3 મિનિટ હળવા હાથે મસાજ કરો. ત્યારબાદ આ પેસ્ટ 30 મિનિટ લગાવી રાખો. જો પેક અડધાં કલાક પછી ડ્રાય થઈ જાય તો તેના પર ગુલાબજળ લગાવો. પછી પાણીથી પેક ધોઈ લો. આ ઉપાય સપ્તાહમાં 2-3વાર કરો. જે લોકો ચહેરા પર કરચલીઓ વધી ગઈ હોય તેઓ રોજ પણ આ ઉપાય કરી શકે છે. 

સ્કિનને હેલ્ધી અને કરચલી મુક્ત રાખવા આ ટિપ્સ ધ્યાન રાખો

• રોજ 8-10 ગ્લાસ પાણી પીવો
• સ્કિનને ટાઈટ કરવા માટે ફેસિયલ એક્સરસાઈઝ કરો
• ક્લીઝિંગ, ટોનિંગ અને મોઈશ્ચરાઈઝિંગ કરો
• સપ્તાહમાં 1-2વાર સ્ક્રબ કરો
• ડાયટમાં ફળો, લીલાં શાકભાજી, ડ્રાઈ ફ્રૂટ્સ, બીન્સ જેવી હેલ્ધી વસ્તુઓ ખાઓ
• દારૂ, સિગરેટ, પાન મસાલા, ફાસ્ટ ફૂડ્સ, જંક ફૂડ્સ, કેફીન, કોલ્ડ ડ્રિંક્સનું સેવન ટાળો.