અત્યારે દરેક વ્યક્તિ ઘરમાં લોક ડાઉન હેઠળ છે. હાઊસ વાઇવ્ઝને ઘરમા રહેવાની ટેવ હોય છે. તેઓ ઘરનું કામ કરીને કંટાળતા પણ નથી. વર્કિંગ વુમન માટે પણ આ રિલેક્સેશનનો પિરિયડ છે. પુરુષો માટે આ અઘરો સમય છે. કેવી રીતે સમય પસાર કરવો તેવા વિચારો પણ આવતા હશે. સ્ત્રીઓ માટે આ સમય તેમની બ્યુટી વધારવાનો પણ બની શકે છે. લોકડાઉનના કારણે બ્યુટીપાર્લરો પણ બંધ છે. તમે ઘરમાં જ દેશી ઉપાયો કરીને તમારા ચહેરાની ચમક વધારી શકો છો. અત્યારે ના બાળકોને સ્કૂલે મોકલવાનું ટેન્શન છે, ના એક્ઝામનું, ના તેના લંચ બોક્સનું, ના તો પતિદેવને સમયસર ઓફિસ પહોંચાડવાનું કે ના વહેલા ઉઠીને તેમના માટે ટિફિન તૈયાર કરવાનું. તો લેડીઝ ચહેરાની ચમક વધારવા માટે તૈયાર થઇ જાવ.
સમગ્ર દેશમાં હાલ લોકડાઉન ચાલી રહ્યું છે
લોકડાઉનમાં ઘરે બેઠાં આ ઉપાયોથી ચહેરો ચમકાવો
સ્કિનની સમસ્યાઓને આ દિવસોમાં કરો દૂર
મધ
ઓલિવ ઓઇલ અને મધને એક સરખી માત્રામાં ભેળવી લો. આ મિશ્રણને પોતાના ચહેરા પર લગાવીને લગભગ 10 મિનિટ માટે રાખો. ત્યારબાદ ચહેરો સામાન્ય પાણીથી ધુઓ. તેનાથી ચહેરાના બહારના પડ પર રહેલી મૃત કોશિકાઓ હટી જશે.
લીંબુનો રસ
આ એક પ્રાકૃતિક બ્લિચિંગ એજન્ટ છે. વિટામીન સીથી ભરપુર લીંબુનો રસ ચહેરા પર લગાવવાથી કાળા ડાઘ,ધબ્બા દુર થાય છે. શરીરના કોઇ પણ ભાગ પર કાળાશ હોય તો લીંબુનો રસ લગાવી શકો છો. હાથ પર પણ લીંબુનો રસ લગાવીને રાખી દો, પછી સાદા પાણીથી હાથ સાફ કરો. સનટેનની અસર પણ ઓછી થશે.
દહીં
તેમાં ભરપુર માત્રામાં લેક્ટિક એસિડ હોય છે. જો દહીંમા કાચી હળદર કે હળદર પાવડર ભેળવીને ચહેરા પર લગાવો. તેનાથી ચહેરાની ચમક વધે છે અને ચહેરાના દાગ ધબ્બા દુર થાય છે.
એલોવીરા
એલોવીરા જેલને લગાવવાથી ચહેરાની ચમક વધે છે. આંખોની નીચેના કાળા ડાઘ પણ દુર થાય છે. આ માટે એલોવીરાની તાજી જેલને લગભગ 15 મિનિટ ચહેરા પર લગાવીને છોડી દો. હુંફાળા પાણીથી મોં ધુઓ
ટામેટાં
ટામેટાંમાં વિટામીન સી હોય છે. તેનાથી ચહેરાની ચમક વધે છે. તેના બી કાઢીને તેની પેસ્ટ બનાવી લો. તેમાં હળદર અને ચંદન પાવડર મિક્સ કરીને 15 મિનિટ છોડી દો. ત્યારબાદ સામાન્ય પાણીથી ધોઈ લો.