શિયાળો હવે જામી ગયો છે. આવા સમયે સ્ત્રીઓની ચિંતાવધી જાય છે કારણ કે તેમણે પોતાની સુંદરતા જાળવી રાખવા માટે નીતનવા ટોટકા કરવા પડતા હોય છે. ઠંડીમાં સૌથી વધુ સ્કિન પ્રોબ્લેમ થતા હોય છે. એક્સપર્ટ અનુસાર જો અમુક સરળ ટિપ્સ અનુસરવામાં આવે તો શિયાળામાં પણ તમે સ્વસ્થ અને તાજગીસભર રહી શકો છો.
શિયાળામાં આ રીતે રાખો સ્કિનની સંભાળ
શિયાળામાં આ ઉપાયો છે ખૂબ જ કામના
તમારી ઘણી સમસ્યાઓને દૂર કરે છે આ ઉપાયો
ખોડાની સમસ્યા
વાળની રુક્ષતા દૂર કરવા માટે મેથીના દાણાને રાત આખી પલાળીને રાખો. સવારે તેમાં દહીં મિક્સ કરો. આ મિશ્રણને વાળ પર બહુ સારી રીતે લગાડો. થોડા સમય પછી વાળને સારી રીતે ધોઈ લો.
ફાટેલી એડી
શરીરના દેખભાળ કરવાનો અર્થ માત્ર ચહેરાની સુંદરતા જ નથી. માથાના વાળથી લઈને પગની પાની સુધીના દરેક અંગની કાળજી લેવી જોઈએ. એડીઓનું ફાટવું એ શિયાળાની સૌથી મોટી સમસ્યા છે. સાબુથી પગની એડી ને ધૂઓ અને પછી ટોવેલથી બરાબર લૂછો. પાલકને પાણી સાથે ઉકાળો. આ પાણીમાં પગને બોળીને રાખો, પરિણામ જોવા મળશે. બહાર જતી વખતે મોજા જરૂર પહેરો. એડીને રોજ રાતે સાફ કરો.
ટેનિંગ અને ફાઈન લાઈન્સ
ઠંડીના દિવસોમાં દિવસમાં બે વાર ટમેટાનો રસ પીવો જોઈએ. તેમાં વિટામીન સી હોય છે અને તે ડેઈલી ડાયેટ માટે પણ ફાયદાકારક છે. ટમેટા ત્વચાની કરચલીઓ પણ દૂર કરવામાં મદદ કરે છે.જો તમારી ઉંમર 35થી વધુ હોય તો ફ્રૂટ ફેસપેક દ્વારા ત્વચાની રુક્ષતા દૂર કરી શકાય છે.
તાજગી માટે
ગમે તેટલી ઠંડી હોય ક્યારેય નહાવાનું ચૂકશો નહીં. ગુલાબની પાંખડીઓ અને તુલસીના પાનને હૂંફાળા પાણીમાં નાંખીને નહાઓ. આમ કરવાથી ત્વચાની ચમક વધશે. મલાઈમાં લોટ મિક્સ કરીને સ્ક્રબ બનાવો. આ સ્ક્રબની મદદથી ત્વચાના મૃત કોશો દૂર થશે.
કોણી અને ઘૂંટણ
પાકેલા કેળાને સ્મેશ કરીને તેમાં ખાંડ ભેળવો. આ મિશ્રણને કોણી અને ઘૂંટણ પર લગાડો, જ્યા સુધી ખાંડ ઓગળી ન જાય ત્યાx સુધી રગળો. નિયમિત રીતે આમ કરવાથી સારું પરિણામ મળે છે. કોણી અને ઘૂંટણની કાળા ઝડપથી દૂર થવા લાગશે.