સિઝનમાં આવતાં ફેરફાર, વાતાવરણ, પવન, ધૂળ અને પ્રદૂષણથી આપણી ત્વચાને સતત નુકસાન થતું રહે છે. એમાં પણ ઓઈલી સ્કિનને વધુ નુકસાન થાય છે. તો તેના માટે જાણો બેસ્ટ ઉપાય.
ત્વચાની યોગ્ય દેખભાળ ન રખવામાં તો સમય પહેલાં જ ત્વચા નિસ્તેજ, કરચલીવાળી અને કાળાશનો શિકાર બનવા લાગે છે. જો તમે આ તમામ સમસ્યાઓથી તમારી ત્વચાને બચાવવા માગતા હોવ તો ત્વચાની પ્રકૃતિ અનુસાર ઘરેલૂ લેપનો ઉપયોગ કરીને ત્વચાને સ્વસ્થ, સુંદર અને ચમકદાર બનાવી શકાય છે. આ લેપના પ્રયોગથી ત્વચામાં નિખાર આવવાની સાથે સ્કિન ટાઈટ પણ બને છે. તેની કોઈ આડઅસર નથી, સાથે જ ઓઈલી સ્કિનની સમસ્યા કાયમ માટે સારી થઈ જશે.
એક મોટી ચમચી ચંદન પાઉડરમાં ગુલાબજળ મિક્ષ કરીને લેપ બનાવી દો. આ લેપને 15-20 મિનિટ સુધી ચહેરા પર લગાવી રાખો. પછી હળવા હાથે ઘસીને ધોઈ લો અને ચહેરો ધોઈને સાફ કરી દો.
એક મોટી ચમચી જવના લોટમાં એક મોટી ચમચી સફરજનની પેસ્ટ મિક્ષ કરીને બનેલી પેસ્ટને ત્વચા પર લગાવો. 15-20 મિનિટ પછી ધોઈ લો.
સંતરાના છોતરાનો પાઉડર બે મોટી ચમચી લઈને તેમાં થોડું કાચું દૂધ અને ગુલાબજળ મિક્ષ કરીને જાડો લેપ તૈયાર કરો. આ ઉબટનને ચહેરા પર લગાવો ત્વચા કાંતિપૂર્ણ બની જશે.
એક મોટી ચમચી દહીં, એક નાની ચમચી કાકડીનો રસ બંનેને મિક્ષ કરીને 10- 15 મિનિટ ચહેરા પર લગાવેલો રાખો. પછી ઠંડા પાણીથી ચહેરો ધોઈ નાંખો.
એક મોટી ચમચી ચંદન પાઉડર, એક નાની ચમચી લીમડા (કડવો)ના પાન, એક મોટી ચમચી ગુલાબની પાંખડીઓ, ચપટીભર હળદરના પાઉડરને મિક્ષ કરીને પેસ્ટ બનાવો અને ચહેરા પર 8-10 મિનિટ સુધી લગાવીને રાખો. સૂકાઈ જાય પછી થપથપાવીને કાઢી નાંખો.
એક મોટી ચમચી જવનો લોટ, એક મોટી ચમચી ચણાનો લોટ, ચપટી હળદર, 2-4 ટીપાં લીંબુનો રસ, એક મોટી ચમચી ગુલાબજળ વગેરેને મિક્ષ કરીને લેપ બનાવો. આ લેપને શરીર કે ચહેરા પર લગાવો. સૂકાઈ જાય પછી ફેસવોશ કરી લો.
થોડાં કાચાં દૂધમાં ચપટી હળદર, ઘઉંનો લોટ અને 2-3 ટીપાં તેલ મિક્ષ કરીને પેસ્ટ બનાવી દો આ પેસ્ટને હાથ- પગ અને ચહેરા પર હળવા હાથે ઘસો. બરાબર સુકાઈ જાય પછી ઘસીને કાઢી નાંખો. આવું દરરોજ કરો અને તમારી રંગતમાં આવેલા બદલાવને જાતે જ જુઓ.