મોં તથા દાંતનું સ્વાસ્થ્ય બધા માટે અત્યંત મહત્વનું છે. જોકે, આપણે દરરોજ જાણે-અજાણે કેટલીક એવી ભૂલો કરીએ છીએ જે આપણા દાંત, પેઢા અને ઓરલ હેલ્થ માટે નુકસાનકારક હોય છે. ઓરલ હેલ્થનું ધ્યાન ન રાખવામાં આવે તો દાંત, પેઢા અને મોઢાની ઘણી સમસ્યાઓ થઈ શકે છે. જેમાં પેઢામાં સોજો, દાંતમાં દુખાવો કે સડો ખૂબ જ પરેશાન કરી મૂકે છે. જેના માટે ડોક્ટર પાસે ગયા વિના ઘરે જ તેનો ઈલાજ કરી શકાય છે. તો ચાલો જાણીએ તમારી આ સમસ્યાઓને ઠીક કરવાના બેસ્ટ ઘરેલૂ નુસખાઓ વિશે.
દાંતની તકલીફોનો ઘરે જ ઈલાજ
નહીં જવું પડે દાંતના ડોક્ટર પાસે
ઘરેલૂ નુસખાઓ દૂર કરશે દુખાવો અને સડો
આ કારણથી વધે છે સમસ્યા
મોંનું સ્વાસ્થ્ય ખરાબ હોવાને કારણે પેઢાની સમસ્યા થાય છે. પેઢામાં સોજો કે દાંતમાં સડો થવાના ઘણાં કારણો હોઈ શકે છે જેમ કે, પેઢામાં દર્દ, ધૂમ્રપાન, દાંતની વચ્ચે વધુ જગ્યા હોવી, એલર્જી વગેરે. આ સિવાય બહુ વધારે પ્રમાણમાં ધુમ્રપાન કરવાથી પણ પેઢા અને દાંતમાં સમસ્યા થાય છે.
હળદર અને સરસિયાનું તેલ
હળદરમાં કર્ક્યૂમિન હોય છે. જે એક એન્ટીઓક્સીડેન્ટની જેમ કામ કરે છે. સાથે જ તેમાં એન્ટીઈન્ફ્લામેટરી ગુણ પણ હોય છે. આ સિવાય સરસિયાના તેલમાં પણ અદભૂત ગુણો રહેલાં છે. જેથી તે પેઢાનો સોજો દૂર કરવામાં મદદ કરે છે. તેના માટે પા ચમચી હળદર લઈ તેમાં 2-3 ટીપાં સરસિયાનું તેલ મિક્સ કરી તેને પેઢા પર લગાવો અને 2 મિનિટ મસાજ કરો. દિવસમાં બેવાર આવું કરો. આનાથી પેઢાનો સોજો દૂર થશે અને દાંત હેલ્ધી રહેશે.
મીઠાવાળું પાણી છે એવરગ્રીન
દાંત અને મોંની કોઈપણ સમસ્યામાં મીઠાવાળું પાણી સૌથી અસરકારક ઉપાય છે. મીઠામાં બેક્ટેરિયા ખતમ કરવાના ગુણ હોય છે. જેથી તે પેઢાનો સોજો અને દુખાવો પણ ઓછો કરે છે. તેના માટે અડધા ગ્લાસ નવશેકા પાણીમાં અડધી ચમચી મીઠું મિક્સ કરીને આ પાણીથી કોગળા કરવા. દિવસમાં 2-3વાર આવું કરવું. આનાથી બહુ જલ્દી આરામ મળશે.
લીંબુનો ઉપાય
લીંબુના રસમાં એસિડિક પ્રોપર્ટી અને ભરપૂર વિટામિન સી હોય છે. સાથે જ તેમાં કેલ્શિયમ, પોટેશિયમ, વિટામિન એ પણ હોય છે. તેમાં એન્ટીબેક્ટેરિયલ ગુણ હોવાથી તે પેઢાની સમસ્યાઓ દૂર કરે છે. તેના માટે 1 ગ્લાસ ગરમ પાણી 1 લીંબુનો રસ મિક્સ કરીને તેનાથી કોગળા કરો. દિવસમાં 2-3વાર આવું કરવું.
દુખાવો દૂર કરવા લવિંગ અને તેનું તેલ
લવિંગના તેલમાં ક્રિનોલિન હોય છે. જે એક એન્ટીઓક્સીડેન્ટ છે. જેથી લવિંગનું તેલ પેઢાનો દુખાવો, સોજો અને દાંતમાં થતાં સડાની પ્રોબ્લેમ દૂર કરવામાં મદદ કરે છે. તેના માટે લવિંગના તેલમાં 2-3 કાળા મરીનો પાઉડર મિક્સ કરીને પેઢા પર અથવા જે ભાગ પર દુખાવો થતો હોય કે સડો લાગ્યો હોય ત્યાં લગાવો. દિવસમાં 2-3વાર આ ઉપાય કરો. દવાઓ વિના આ ઉપાયથી ફાયદો થશે.