બેસ્ટ ટિપ્સ / શિયાળામાં થતાં સાંધાના દુખાવાથી લઈ અપચો અને સાયનસની સમસ્યા દૂર કરશે આદુનો આ 1 ઉપાય

• અનેક તકલીફોની બેસ્ટ દવા છે આદુ
• આદુનો ઉપયોગ ઘણી સમસ્યામાં આપશે આરામ
• રોજ સવારે કરો આદુનો ખાસ ઉપાય

આદુ છે અતિગુણકારી દવા

શિયાળામાં આદુનો ભરપૂર પ્રમાણમાં ઉપયોગ કરવો જોઈએ શિયાળા દરમિયાન આવતા રેસા વગરના આદુને જો ધોઈને છાંયડે સૂકવી લેવામાં આવે તો પછી બારેમાસ તેને વાપરી શકાય છે. જેને આપણે 'સૂંઠ' તરીકે ઓળખીએ છીએ અને શિયાળા દરમિયાન ગુંદરપાક અથવા રાબમાં ભારોભાર નાખીને ઉપયોગમાં લઇએ છીએ અને આખું વર્ષ રોગો અને બીમારીઓથી બચી શકાય છે. આદુ સ્વાસ્થ્ય માટે અનેક રીતે લાભકારી છે. જેથી આજે અમે તમને આદુના કેટલાક ઉપાયો જણાવી રહ્યાં છીએ. 

રોજ સવારે ખાલી પેટ કરો આ ઉપાય

શિયાળામાં રોજ સવારે નયણા કોઠે આદુનો રસ, લીંબુનો રસ અને ચપટી હળદર 1 ગ્લાસ ગરમ પાણીમાં મિક્સ કરીને ખાવાથી ખાવાથી શરદી દૂર થઈ જાય છે, વજન ઉતરે છે, કોલેસ્ટ્રોલ કંટ્રોલમાં રહે છે. આ સિવાય આ ઉપાય કરવાથી અન્ય પણ કેટલાક ફાયદા મળે છે. 

 
શરીરને આપે છે ગરમાવો

શિયાળા દરમિયાન જ્યારે ઠંડીને કારણે શરીરને વધુ કેલેરીની જરૂર પડે છે ત્યારે આદુ શરીરને ગરમાવો પૂરું પાડવાનું કામ કરે છે. 

અપચોમાં રામબાણ છે આદુ

જો અપચો, એસિડિટી, ગેસ થતાં હોય તો આદુનો ઉપયોગ ફાયદો કરી શકે છે. આદુને ક્રશ કરીને તેનો રસ લીંબુ સાથે લેવાથી ફાયદો થાય છે. તેમાં મધ ઉમેરી શકાય છે. 

ડાયટમાં એડ કરો આદુ

આપણે દિવસ દરમિયાન જે ખોરાક ખાઈએ છીએ તેમાંનાં પોષકતત્વોને શરીરમાં પચાવવા માટે આદુ ઉપયોગી છે. જેથી ડાયટમાં તેને ચોક્કસ સામેલ કરો. 

સાયનસમાં લાભકારી આદુની ચા

વારંવાર થતી શરદીને દૂર કરવા માટે ખાસ કરીને શિયાળામાં થતા 'સાયનસ'ને દૂર કરવા માટે આદુનો રસ ખૂબ ઉપયોગી પુરવાર થાય છે. તમે આદુની ચા બનાવીને પણ રોજ પી શકો છો. ઘણી વખત અપચાને લીધે થતી ઊલટી અથવા ઊબકાને દૂર રાખવા સૂકું આદું ઉપયોગી રહે છે. 

સાંધાનો દુખાવો કરશે દૂર

મોટી ઉંમરે થતા સાંધાના દુખાવા અને સોજાને દૂર કરવા આદુનો ઉપયોગ કરવો જોઈએ. આદુમાં એન્ટીઇન્ફ્લામેટરી પદાર્થ આવેલા છે, જે સોજા દૂર કરી કોઈ પણ દર્દને દૂર કરી શકે છે. તમે રોજ ઉપર જણાવેલ આદુનો ઉપાય અજમાવી શકો છો.

તસવીરોઃગૂગલ