શિયાળો આવે એટલે આપણને ચારેબાજુ ગાજરથી ભરેલી લારીઓ જોવા મળે. ગુણોનો ભંડાર ગણાતા ગાજર ખાવામાં તો મીઠા હોય જ છે, પરંતુ તે ખાવાથી જે ફાયદા મળે છે તે પણ અદભુત છે. ફળોનો રાજા જો કેરી હોય તો શાકભાજીનો રાજા ગાજરને કહી શકાય. સલાડનું અભિન્ન અંગ ગણાતું ગાજર ઔષધીય ગુણોનો ભંડાર છે. દરેક ડાયટ ચાર્ટમાં ગાજરને સ્થાન અપાયું છે. તેમાં અઢળક વિટામિન્સ અને મિનરલ્સ રહેલાં છે. તે આંતરિક તંદુરસ્તીની સાથે બાહ્ય તંદુરસ્તીમાં પણ વધારો કરે છે.
રોજિંદી ડાયટમાં ચોક્કસથી ગાજરનું સેવન કરો
ગાજર નિયમિત રીતે ખાવાથી આંખની રોશની વધે છે
ગાજર લોહીને શુદ્ધ કરે છે
કેટલાક લોકો ગાજરનુ સલાડ બનાવતી વખતે અંદરનો સફેદ ભાગ કાઢી નાંખે છે. આ ભાગ ખાઇ શકાય છે. તેને કાઢવાની જરૂર નથી કેમકે તેની અંદર ફાઈબર હોય છે. ગાજરને ધોયા બાદ તેની છાલ કાઢવાની પણ જરૂર હોતી નથી કેમકે તેના આ રેસા એ જ ફાઇબર છે. સફેદ ભાગમાં પણ ભરપૂર વિટામિન્સ હોય છે.
આંખ માટે તો સંજીવની છે
ગાજરમા રહેલાં અઢળક વિટામિન્સ અને મિનરલ્સમાં મુખ્યત્વે બીટા કેરોટિન છે. ગાજરમાં તે પુષ્કળ પ્રમાણમાં હોય છે. તે શરીરની અંદર જઇને વિટામિન એનું નિર્માણ કરે છે. જે વ્યક્તિને રતાંધળાપણું હોય તેના માટે ગાજર સંજીવનીની ગરજ સારે છે. મોતિયાના ઓપરેશન વખતે પણ ડોક્ટર કાચા ગાજર ખાવાની કે ગાજરના જ્યુસનું સેવન કરવાની સલાહ આપે છે.
બારેમાસ મળતા ગાજર શિયાળામાં બેસ્ટ છે
હવે ગાજર બારેમાસ મળે છે, પરંતુ તેમાં જે રસ અને ટેસ્ટ હોય છે તે માત્ર શિયાળામાં જ હોય છે. ઘણા લોકો બારેમાસ તે ખાવાનુ પસંદ કરતા હોય છે. રેડ ગાજરમાં કેરોટિન હોય છે જે આંખને તાજીમાજી બનાવે છે. ગાજરમાં શુગરનું લેવલ હોય છે, જેથી ડાયાબિટિસના પેશન્ટે સીમિત માત્રામાં ખાવા જોઇએ. જો આપવું જ હોય તો રો ફોર્મમાં આપી શકાય. ગાજરને ગરમ કરીને કે તેનો સૂપ બનાવીને ન આપવું. શક્ય હોય તો ગાજરનો જ્યૂસ પણ ટાળવો જોઇએ. તેને ચાવીને ખાવા સૌથી બેસ્ટ છે. વજન ઘટાડવા માંગતી વ્યક્તિ માટે ગાજરનું સેવન બેસ્ટ છે.
ગાજરના અન્ય ફાયદા
ગાજર અશક્તિ દૂર કરે છે અને શરીરમાં પોષણ અને શક્તિ આપે છે.