બ્યૂટી ટિપ્સ / તહેવારોમાં પાર્લરનો ખર્ચ બચાવવો હોય તો ઘરે જ આ 3 ઉપાય કરવાનું શરૂ કરી દો, ફેશિયલની જરૂર નહીં પડે

• ફેશિયલ જેવો નિખાર લાવવા કરો 3 ઉપાય
• ઘરે આ 3 ફળોની છાલનો ફેસપેક લગાવો
• તમારો ચહેરો એકદમ ગોરો થઈ જશે

લોકો ફળો ખાઈને તેની છાલને નકામી સમજીને ફેંકી દેતાં હોય છે. જો તમે પણ આવું કરતાં હો તો પહેલાં આ છાલના ફાયદા જાણી લો, કારણ કે કેટલાક ફળોની છાલમાં ભરપૂર વિટામિન્સ અને ન્યૂટ્રિઅન્ટ્સ હોય છે. જેનો ઉપયોગ તમે તમારી સ્કિન માટે ખૂબ જ ફાયદાકારી હોય છે. આ ફળોની છાલથી તમે પાર્લરનો ખર્ચ બચાવી શકો છો અને તમે ઘરે જ ફેશિયલ જેવો નિખાર મેળવી શકો છો. ચાલો જાણી લો.

દાડમની છાલ

જો તમે ઓછાં ખર્ચમાં પાર્લર જેવો નિખાર મેળવવા માગો છો તો દાડમની છાલનો ઉપયોગ બેસ્ટ રિઝલ્ટ આપશે. તેની છાલમાં એક્સફોલિએટિંગ એજન્ટ હોય છે. જે સ્કિન ટોન બેલેન્સ કરીને સ્કિનને ટાઈટ રાખવામાં મદદ કરે છે. 

આ રીતે બનાવો 

સૌથી પહેલાં દાડમની છાલ કાઢીને તેને તડકામાં સૂકવી તેનો પાઉડર બનાવી લો. પછી 1 ચમચી તેના પાઉડરમાં 1 ચમચી લીંબુનો રસ, 1 ચમચી મધ મિક્સ કરીને 10 મિનિટ ચહેરા પર લગાવો અને પછી ધોઈ લો. સપ્તાહમાં 2વાર આ ઉપાય કરો. 

કેળાની છાલ

કેળાની છાલનો ફેસ માસ્ક લગાવવાથી ચહેરાના ડાઘ દૂર થાય છે, સાથે જ તેમાં રહેલાં વિટામિન અને પ્રોટીનને કારણે તે સ્કિનમાં નિખાર લાવવામાં પણ મદદ કરે છે.

આ રીતે બનાવો 

1 કેળાની છાલ લઈને તેને મિક્સરમાં પીસીને પેસ્ટ બનાવી લોય હવે તેમાં ચપટી બેકિંગ સોડા મિક્સ કરીને ફેસ પર 10 મિનિટ લગાવી સ્ક્રબ કરીને હળવા હાથે દૂર કરો. 

પપૈયાની છાલ

પપૈયાની છાલમાં અલ્ફા હાઈડ્રોક્સી એસિડ હોય છે. જેનાથી સ્કિનની ડ્રાયનેસ દૂર થાય છે અને રંગત નિખરે છે. સાથે જ તે ટેનિંગ અને ડેડ સ્કિન દૂર કરવામાં પણ મદદ કરે છે. 

આ રીતે બનાવો

તેનો ફેસ માસ્ક બનાવવા માટે પપૈયાની છાલને પીસીને તેની પેસ્ટમાં 1 ચમચી લીંબુનો રસ અને 1 ચમચી મધ મિક્સ કરીને ફેસ પર લગાવો. 10 મિનિટ ચહેરા પર લગાવો અને પછી ધોઈ લો. સપ્તાહમાં 2વાર આ ઉપાય કરો.