શિયાળાની શરૂઆત થઈ ગઈ છે. ખાનપાન માટે આ સિઝનને બેસ્ટ માનવામાં આવે છે. આ સિઝનમાં તમે જે કંઈ ખાઓ તેની અસર આખું વર્ષ સ્વાસ્થ્ય પર દેખાય છે. જેથી આ સિઝનમાં એવા ફૂડ્સ ડાયટમાં સામેલ કરવા જોઈએ જેમાં ભરપૂર પોષણ મળી રહે અને વધુ ફાયદાઓ પણ મળે. આવા ફૂડ્સ આ સિઝનમાં ખાવાથી ઈમ્યૂનિટી વધે છે અને સામાન્યથી લઈને ગંભીર બીમારીઓ સામે રક્ષણ મળે છે. જેથી અમે એવા ફૂડ્સ વિશે જણાવી રહ્યાં છે જેને બધાંએ શિયાળામાં ખાવા જ જોઈએ. ચાલો જાણી લો.
ગાજર
આમાં વિટામિન એ વધુ માત્રામાં હોય છે. તેને ખાવાથી બોડીની ઈમ્યૂનિટી વધે છે અને બીમારીઓ સામે રક્ષણ મળે છે. ગાજરનો હલવો અથવા તેનો જ્યૂસ પી શકો છો.
મેથી
આમાં પોટેશિયમ આયર્ન હોય છે. જે નબળાઈ દૂર કરવામાં મદદ કરે છે અને હાર્ટ પ્રોબ્લેમથી બચાવે છે. મેથીનું શાક અથવા તેના લાડુ બનાવીને ખાઈ શકો છો.
શક્કરિયા
આમાં ફાયબરની માત્રા વધુ હોય છે. જેથી શિયાળામાં તેને ખાવાથી એનર્જી મળે છે અને ડાઈજેશન સારું રહે છે. તેનાથી વજન પણ વધતું નથી. તમે બોઈલ્ડ અથવા રોસ્ટેડ શક્કરિયા ખાઈ શકો છો.
મગફળી
આ કોલેસ્ટ્રોલ ઘટાડી હાર્ટ પ્રોબ્લેમથી બચાવવામાં મદદ કરે છે. તેમાં સારાં ફેટ પણ હોય છે. જે સ્કિનને હેલ્ધી રાખવામાં પણ મદદ કરે છે.
ગોળ
આની તાસીર ગરમ હોય છે. તેને ખાવાથી શરદી-ખાંસીથી રાહત મળે છે. સ્કિન હેલ્ધી રહે છે. તમે ગોળની ચા પી શકો છો અને તલ-ગોળના લાડુ પણ ખાઈ શકો છો.
તલ
આમાં એન્ટીઓક્સીડેન્ટ્સ હોય છે. જે શિયાળામાં બીમારીઓથી બચાવે છે. આ ડાઈજેશન ઈમ્પ્રૂવ કરવામાં મદદ કરે છે. તલના લાડુ કે ચટણી બનાવીને ખાવાથી ફાયદો થાય છે.
આદુ
આમાં જિંજેરોલ્સ હોય છે. જેનાથી બોડીની ઈમ્યૂનિટી વધે છે અને બીમારીઓ પણ દૂર થાય છે. તેની ચા પીવાથી અથવા ખોરાકમાં તેને સામેલ કરવાથી ફાયદા મળે છે.
ઈંડા
આમાં ફોલિક એસિડ વિટામિન ડી હોય છે. જેનાથી હાડકાંઓ મજબૂત બને છે અને સ્ટેમિના પણ વધે છે.
નટ્સ
આમાં પોટેશિયમ મેગ્નેશિયમ હોય છે. જે બીપી નોર્મલ રાખે છે અને હાર્ટ પ્રોબ્લેમથી બચાવે છે. 4-5 નટ્સ રોજ ખાવા જોઈએ ફ્રૂટ સલાડમાં મિક્સ કરીને પણ ખાઈ શકો છો.