મહિલાઓ રોજિંદા જીવનમાં કેટલીક સરળ કસરતો કરી લે તો જીવનભર હેલ્ધી રહી શકે છે. ચાલો જાણીએ.
મહિલાઓએ સ્વાસ્થ્ય પર ધ્યાન આપવું જરૂરી છે
મહિલાઓએ હેલ્ધી રહેવા રોજ આ કસરતો કરી લેવી
આ કસરતો સરળ હોવાની સાથે ઈફેક્ટિવ પણ છે
આજકાલ સુવિધાઓ જેટલી વધી ગઈ છે લોકો એટલા જ વ્યસ્ત રહેવા લાગ્યા છે. આ બદલાતી લાઈફસ્ટાઈલની સૌથી વધારે અસર મહિલાઓમાં જોવા મળે છે. ઘર-પરિવાર અને ઓફિસની જવાબદારીઓને કારણે તે પોતાની પર ધ્યાન આપી શકતી નથી. જેના કારણે રૂટીન લાઈફનો સૌથી મહત્વનું કામ એક્સરસાઈઝને પણ અવોઈડ કરે છે. જેના કારણે મહિલાઓ વારંવાર બીમારીઓનો પણ શિકાર થાય છે. જેથી આજે અમે તમને એવી 10 મિનિટની એક્સરસાઈઝ જણાવીશું જે મહિલાઓને ઉંમરભર ફિટ અને હેલ્ધી રાખશે.
મહિલાઓ માટે એક્સરસાઈઝ
સ્ટ્રેચિંગથી કરો શરૂઆત
ફિટ રહેવા માટે પોતાને માટે 10 મિનિટનો સમય કાઢવો ખૂબ જ જરૂરી છે. તેની શરૂઆત તમે સ્ટ્રેચિંગથી પણ કરી શકો છો. સૌથી પહેલાં બંને હાથ અને પગની મૂવમેન્ટ કરો અને ખભાને ગોળાકારમાં ફેરવો. ત્યારબાદ રિલેક્સ ફીલ કરો. ત્યાર બાદ પગની પણ સ્ટ્રેચિંગ એક્સરસાઈઝ કરો.
પ્લેન્ક
બોડીમાં ફ્લેક્સિબિલિટી લાવવા માટે આ એક્સરસાઈઝ કરવી ખૂબ જ જરૂરી છે. સ્ટ્રેચિંગ કર્યા બાદ પ્લેન્ક એક્સરસાઈઝ કરો. તેના માટે પુશઅપ પોઝિશનમાં આવીને એ જ પોઝિશનમાં સ્થિર રહેવું. આ એક્સરસાઈઝ કરતી વખતે કમરની વચ્ચેથી ઝુકવા દેવી નહીં. પેટના બોડીને ટટ્ટાર કરી દો. 10 સેકન્ડ આ સ્થિતિમાં રહો. આ રીતે 8-10 વાર કરો.
પુશઅપ્સથી વધારો સ્ટેમિના
પ્લેન્ક પછી પુશઅપ્સ એક્સરસાઈઝ કરો. આ કસરત કરતી વખતે ધ્યાન રાખો કે જ્યારે તમે આને ઉપર તરફ જાઓ ત્યારે શ્વાસને અંદર ખેંચવો અને નીચે આવતી વખતે શ્વાસને બહાર કાઢવો. 1 મિનિટ આ એક્સરસાઈઝ કરો. આ એક્સરસાઈઝ કરવાથી પીઠ, મસલ્સ, કરોડરજ્જૂ મજબૂત બને છે અને સ્ટેમિના પણ વધે છે.
લન્જિસ
પુશઅપ્સ કર્યા બાદ જાંઘને મજબૂત બનાવવા માટે lunges એક્સરસાઈઝ કરો. પગની વચ્ચે 3 સેન્ટીમીટરનુ અંતર રાખીને ઉભા રહો. ડાબા પગની સાથે તમારા પગલાંને આગળ વધારો અને જમણા પગ પર ઝૂકાવી દો. આ સમયે કમર સીધી રાખો. બસ આવુ જ બીજા પગમાં કરો.
સ્ક્વોટ્સ
જો તમે તમારા પગને મજબૂત બનાવવા માગતા હોવ રોજ સ્ક્વોટ્સ કરો. આ એક્સરસાઈઝ પીઠ, ઘૂંટણ અને પગની માંસપેશીઓ માટે બહુ લાભકારી છે. આ કસરતને કરવા માટે સીધા ઉભા રહી જવું, ત્યારબાદ પગની વચ્ચે થોડું અંતર રાખવું. હવે બંન્ને હાથ ઉપર ઉઠાવીને તમારા ખભાની સામે લઈ આવવા. હવે ઘૂંટણ પર થોડોક ભાર આપતા ઠીક એ રીતે બેસવાનો પ્રયત્ન કરો જે રીતે તમે ખુરશીમાં બેસો છો. આ કસરત કરતી વખતે તમારી પીઠ સીધી રાખવી. આ વર્કઆઉટ રોજ કરવું.