બમ્પર ઓફર / જલ્દી કરો દિવાળી પહેલા મોટી ઓફર! મોબાઈલ ખરીદો અને મેળવો આટલું પેટ્રોલ મફત

• દેશમાં પેટ્રોલ-ડીઝલના ભાવ આસમાને
• વારાણસીએ આ સમસ્યાને અવસરમાં બદલી
• સ્માર્ટફોન ખરીદશો તો ગ્રાહકોને મળશે મફતમાં 1 લીટર પેટ્રોલ

સ્માર્ટ ફોન ખરીદશો તો મળશે ફ્રીમાં પેટ્રોલ

પેટ્રોલ-ડીઝલના વધતા ભાવને ધ્યાનમાં રાખી દુકાનદારે દિવાળીના શુભ અવસરે એક અનોખી ઓફરની રજૂઆત કરી છે. જે હેઠળ કોઈ પણ નવા સ્માર્ટફોનની ખરીદી પર ગ્રાહકોને 1 લીટર પેટ્રોલ ફ્રીમાં આપવામાં આવી રહ્યું છે. આ ઓફર ગ્રાહકોને ખૂબ પસંદ આવી રહી છે. આખરે દુકાનમાંથી ભીડ ઓછી થતી નથી. દુકાનના માલિકે કહ્યું, અમે પોતાનો સેલ વધારવા માટે આ ઓફરની શરૂઆત કરી હતી. પહેલાં તો અમને કોઈ ખાસ પ્રતિભાવ મળ્યો ન હતો. પરંતુ જ્યારે સોશિયલ મીડિયામાં ફ્રીમાં પેટ્રોલ મળતુ હોવાના સમાચાર વાયરલ થયા તો ગ્રાહકોની લાઈન લાગી. અમને ખૂબ સારો એપ્રોચ મળશે તેની અમને આશા ન હતી.

પહેલાં ફ્રીમાં ડુંગળીની હતી ઓફર

જોકે, આવુ પ્રથમ વખત બન્યું નથી. પહેલાં પણ જ્યારે આખા દેશમાં ડુંગળીના ભાવ ખૂબ વધ્યા હતા ત્યારે પણ કેટલાંક દુકાનદારોએ સામાનની ખરીદી પર એક કિલો ડુંગળી ફ્રીમાં આપવાની ઓફર કરી હતી. તે સમયે ઓફરને ખૂબ સારો રિસ્પોન્સ મળ્યો હતો. મીડિયામાં પણ આ અહેવાલને ખૂબ પ્રસારિત કરવામાં આવ્યો હતો. ત્યારબાદ દૂરના વિસ્તારોના કેટલાંક દુકાનદારોએ આ વિચારને અપનાવી ખૂબ નફો કમાવ્યો હતો. જોકે, થોડા સમય બાદ ડુંગળીના ભાવ નીચે ઉતરી ગયા. પરંતુ આ આઈડિયા લોકોને ખૂબ પસંદ આવ્યો. આજે જ્યારે પેટ્રોલ-ડીઝલની કિંમતમાં રેકોર્ડબ્રેક ઉછાળો આવ્યો છે ત્યારે લોકોએ ફ્રી વાળા  આઈડિયાનું ઉપયોગ કરવાનું ફરીથી શરૂ કર્યુ છે.